ما تمنيتك لانك كنت ابعد من خيالي
ما خطر فبالي مره اني ممكن اوصلك
كنت اشوفك مثل نجم بالسماء ساطع وعالي
يا بعيد وجابك الله لين عندي وصلك
جيتني مثل الشروق اللي محى عتم الليالي
جيت فرحه للحزين اللي من همومه هلك
جيتني وانت يحبك الف محبوب بدالي
سخرك سبحانه للي في عيوني كملك
هو صحيح احنا التقينا هو صحيح انت قبالي
هو صحيح اني حبيبك كان لي حق أسألك
كانني احلم طلبتك خلني هايم لحالي
خلني بالحلم عايش فيه دامي به معك
ممتلي بالحب قلبي وغير قلبي قلب مالي
اهدني قلبك حبيبي خلني فيه عشقك