ملتقى طلاب وطالبات جامعة الملك فيصل,جامعة الدمام - عرض مشاركة واحدة

قلب الاسد · 2009- 1- 23

بسم الله الرحمن الرحيم

اولا اشكر صاحبة الموضوع (( غسق )) على الموضوع الرائع .. واتأسف على تأخري في الرد على الموضوع
بالنسبة لتجربتي فتجاربي واجد محتار وش اختار .. فيها الزين وفيها الشين ..

بعد ولادة الوالده بتوأم بنات بفتره قصيره وفي اوج الفرحه بالتوأم , كنا جالسين بغرفة الوالده وكانت تحكيلنا عن الجنه وعن وصف الجنه وعن شكلها وعن نعيمها , وكنت اشوف بعيونها شوقها لها , كانت تتكلم وهي فرحانه ... بعد ماكملت كلامها قامت تقول لي انا واخواني واحنا جالسين بسريرها جنبها عن ألم في رقبتها مرات يجي ومرات يروح ... وبعد فتره من الكلام هذا اشتد عليها الألم وصار يلازمها ... قرر الوالد يوديها للمستشفى (( وياليته ماوداها )) . سوولها تحليل وطلع عندها (( سرطان )) الله يكفينا ويكفي الجميع شره .. طبعا محد يدري الا ناس محددين وهم الوالد وخالتي وخالي وبس ... بعد فتره صارت تتنوم في المستشفى لمده اطول واخر زياره رحت فيها لها في المستشفى ماعرفتني برغم انها جالسه تنادي باسمي وانا جنبها ... مرت الايام وجا يوم من الايام قرر الوالد يوديها لمستشفى بجده .. وقرر انه يسافر (( بــــر )) وفعلا تم الترتيب للسفر ووضع للوالده فراش في المرتبه الخلفيه وكان المرافقين في السفر هم خالي وعمتي الكبيره .. قبل مايمشون كان اخر كلمة سمعتها منها هي اسمي .. انطلقوا للسفر وكانت الامور على خير مايرام ووصلوا الين الميقات وقرر الوالد انه ياخذ فيها عمره قبل لايروح للمستشفى وفعلا تجهزوا وعزموا النيه .. ركبوا للسياره وكانت عمتي تشرب الوالده ماء .. تحركوا بالسياره ووقفوا بالسياره في المحطه المجاوره للميقات نزل الوالد يشتري اغراض ورجع للسياره طبيعي .. شوي وتصيح عمتي وتنادي باسم الوالده تبيها تقوم وجالسه تنادي عليها وتنادي وابوي وخالي يقولون لها اشفيك .. ويناظر الوالد بوجه الوالده ويلاقيه نوووور ورافعه اصبعها وعلى وجهها رسمة ابتسامه خفيفه .. ذكر الله وترحم عليها وعمتي تبكي وتصيح باسمها وخالي مصدوم مو مصدق ... شغل الوالد السياره ومشى فيها متوجه على مكه وصلوا مكه وصلوا عليها بالحرام ودفنوها بمكه .. الحمدلله على كل حال ,,, وقتها وصل الخبر لخوالي الباقين ولعماتي وجوا للبيت وكنا نتعشى وكانت جدتي ام امي ساكنه معنا .. دخلت عمتي وكان وجهها مرررره شحيب .. شافتنا نسولف ونضحك ونرحب فيها وسكتت ماقالت شي وبعدها بشوي جاا خالي ودخلته للمجلس وسمعته يتكلم مع جدي ويقول (( احسن الله عزاكم وعظم الله اجركم )) .. وقتها كنت شايل بيدي صحن وكان فيه الشاهي والفناجيل .. اول ماسمعته ماحسيت بنفسي طاح الصحن من يدي ودخلت للمجلس وتقدمت الين وصلت عند خالي واسمعه يقول الله يتغمد روحها الجنه .. وقتها انعميت ومادري وش صار لكن من كلام خالي لي بعدين .. يقول مسكتني وشديتني وقومتني من محلي وتصارخ تقلي (( انت وش تقول )) طبعا ماتذكر لكن هذا كلامه .. بعد ماقلت له الكلام هذا طحت من طولي على الارض واختي الكبيره حتى هي اغمي عليها وشلوني انا واختي للمستشفى واعطونا اكسجين اختي صحت بعد ست ساعات وانا باقي وجلست بالمستشفى يوم ونص الين صحيت وياليتني ماصحيت .. طبعا ماتذكر زين ايام ماكنت بالمستشفى بس يقولون لي اني صحيت وكنت ساكت واللي يكلمني مارد عليه وطلعوني من المستشفى ورحنا للبيت ورجعت لغرفتي وقفلت الباب على نفسي ونمت كانوا يدقون علي الباب مافتحه الين كسروه .. وكنت اقوم اكل وارجع انام ولا كنت ادري عن شي وجلست على الوضع هذا لمدة اسبوع او اكثر الين رجعت طبيعي .. من بعدها الصمت صار طبع فيني من دون مادري .. وبعد فتره من وفاة الوالده وعلى الصيفيه واول يوم عطله كانوا البنات التوأم اعمارهم 2 سنتين تقريبا .. وكانت اختي الكبيره تجهز خواتي وتلبسهم لان كنا ناويين نطلع نتمشا ولبست واحده واخذتها وشليتها على يدي وطلعت فيها برا وكان فيه ولد الجيران شكله شوي يخوف هههههههه وخافت منه اختي الصغيره وقمت اركض فيها ابي ابعد منه طبعا كله مزح .. وركضت الين وصلت لبيت جارنا كان توه يبني بيتهم وكان فيه خزان ماء جالسين يحفرون فيه وكان عمقه يقارب 5 الى 6 متر وكان وسط الحفره اصياخ حدايد المهم مريت من جنب الحفره وكان الوقت على المغربيه .. وحسيت زي واحد يدفني على الحفره وممكن تكون تهيؤات .. وتفلت اختي الصغيره من يدي وتطيح ناحية الحفرة وانا حاولت امسكها لكن فلتت من يدي ولاحظت انها متجهه ناحية اصياخ الحديد .. وقتها ,, حسيت الوقت يمشي ببطئ حسيت كل شي بطئ .. وسبحان الله استرجعت ذاكرتي مع اختي في لحظات معينه .. وبدون ماحس بنفسي قفزت وراها ومسكت فنيلتها وشديتها ناحيتي ووجهت ظهري ناحية الحفره واختي ضميتها على صدري .... والحمدلله على كل حال .. سبحان اللي نجانا باعجوبه .. طبعا وقتها اغمي علي ثواني وصحيت وشفت اختي تبكي وقمت وجلست واقلها فيك شي ؟؟ جاك شي ؟؟ وهي تبكي .. جيت ابي اتفقدها بس حسيت يدي توجعني شوي وناظرت جهت يدي اليسرى ولقيت يدي مقطوعه من عند المعصم مو ماسكها الا جلده .. وجوا عيال الجيران يبون ينقذوني قلت لهم اول خذوا اختي ودوها البيت بعدين يصير خير .. وفعلا ودوني المستشفى وكان التقييم (( كسر مضاعف )) وجلست بالمستشفى من اول يوم بالعطله الين نهاية الاجازة (( ثلاث شهور )) الحمدلله تعافيت بس قهرررررررر .. طبعا وقتها الوالد تزوج من واحده ثانيه عشان ترعانا .. وبدل ماترعانا الله يجزاها بالخير ويهديها .. حولت حياتنا جحيم .. الله يسامحها ... وللحكايه تكمله لكن على كذا باقصلكم قصة حياتي هههههههههه

اعذروني على الاطاله وان شاء الله اني اكون وفيت شوي من الاجابه .. مع فائق احترامي وتقديري لجميع الاعضاء .. وتقبلوا مروري .

2009- 1- 23	#360
قلب الاسد أكـاديـمـي نــشـط الملف الشخصي: رقم العضوية : 17941 تاريخ التسجيل: Wed Jan 2009 المشاركات: 145 الـجنــس : ذكــر عدد الـنقـاط : 7537 مؤشر المستوى: 78	رد: تجربة في حياتي.. بسم الله الرحمن الرحيم اولا اشكر صاحبة الموضوع (( غسق )) على الموضوع الرائع .. واتأسف على تأخري في الرد على الموضوع بالنسبة لتجربتي فتجاربي واجد محتار وش اختار .. فيها الزين وفيها الشين .. بعد ولادة الوالده بتوأم بنات بفتره قصيره وفي اوج الفرحه بالتوأم , كنا جالسين بغرفة الوالده وكانت تحكيلنا عن الجنه وعن وصف الجنه وعن شكلها وعن نعيمها , وكنت اشوف بعيونها شوقها لها , كانت تتكلم وهي فرحانه ... بعد ماكملت كلامها قامت تقول لي انا واخواني واحنا جالسين بسريرها جنبها عن ألم في رقبتها مرات يجي ومرات يروح ... وبعد فتره من الكلام هذا اشتد عليها الألم وصار يلازمها ... قرر الوالد يوديها للمستشفى (( وياليته ماوداها )) . سوولها تحليل وطلع عندها (( سرطان )) الله يكفينا ويكفي الجميع شره .. طبعا محد يدري الا ناس محددين وهم الوالد وخالتي وخالي وبس ... بعد فتره صارت تتنوم في المستشفى لمده اطول واخر زياره رحت فيها لها في المستشفى ماعرفتني برغم انها جالسه تنادي باسمي وانا جنبها ... مرت الايام وجا يوم من الايام قرر الوالد يوديها لمستشفى بجده .. وقرر انه يسافر (( بــــر )) وفعلا تم الترتيب للسفر ووضع للوالده فراش في المرتبه الخلفيه وكان المرافقين في السفر هم خالي وعمتي الكبيره .. قبل مايمشون كان اخر كلمة سمعتها منها هي اسمي .. انطلقوا للسفر وكانت الامور على خير مايرام ووصلوا الين الميقات وقرر الوالد انه ياخذ فيها عمره قبل لايروح للمستشفى وفعلا تجهزوا وعزموا النيه .. ركبوا للسياره وكانت عمتي تشرب الوالده ماء .. تحركوا بالسياره ووقفوا بالسياره في المحطه المجاوره للميقات نزل الوالد يشتري اغراض ورجع للسياره طبيعي .. شوي وتصيح عمتي وتنادي باسم الوالده تبيها تقوم وجالسه تنادي عليها وتنادي وابوي وخالي يقولون لها اشفيك .. ويناظر الوالد بوجه الوالده ويلاقيه نوووور ورافعه اصبعها وعلى وجهها رسمة ابتسامه خفيفه .. ذكر الله وترحم عليها وعمتي تبكي وتصيح باسمها وخالي مصدوم مو مصدق ... شغل الوالد السياره ومشى فيها متوجه على مكه وصلوا مكه وصلوا عليها بالحرام ودفنوها بمكه .. الحمدلله على كل حال ,,, وقتها وصل الخبر لخوالي الباقين ولعماتي وجوا للبيت وكنا نتعشى وكانت جدتي ام امي ساكنه معنا .. دخلت عمتي وكان وجهها مرررره شحيب .. شافتنا نسولف ونضحك ونرحب فيها وسكتت ماقالت شي وبعدها بشوي جاا خالي ودخلته للمجلس وسمعته يتكلم مع جدي ويقول (( احسن الله عزاكم وعظم الله اجركم )) .. وقتها كنت شايل بيدي صحن وكان فيه الشاهي والفناجيل .. اول ماسمعته ماحسيت بنفسي طاح الصحن من يدي ودخلت للمجلس وتقدمت الين وصلت عند خالي واسمعه يقول الله يتغمد روحها الجنه .. وقتها انعميت ومادري وش صار لكن من كلام خالي لي بعدين .. يقول مسكتني وشديتني وقومتني من محلي وتصارخ تقلي (( انت وش تقول )) طبعا ماتذكر لكن هذا كلامه .. بعد ماقلت له الكلام هذا طحت من طولي على الارض واختي الكبيره حتى هي اغمي عليها وشلوني انا واختي للمستشفى واعطونا اكسجين اختي صحت بعد ست ساعات وانا باقي وجلست بالمستشفى يوم ونص الين صحيت وياليتني ماصحيت .. طبعا ماتذكر زين ايام ماكنت بالمستشفى بس يقولون لي اني صحيت وكنت ساكت واللي يكلمني مارد عليه وطلعوني من المستشفى ورحنا للبيت ورجعت لغرفتي وقفلت الباب على نفسي ونمت كانوا يدقون علي الباب مافتحه الين كسروه .. وكنت اقوم اكل وارجع انام ولا كنت ادري عن شي وجلست على الوضع هذا لمدة اسبوع او اكثر الين رجعت طبيعي .. من بعدها الصمت صار طبع فيني من دون مادري .. وبعد فتره من وفاة الوالده وعلى الصيفيه واول يوم عطله كانوا البنات التوأم اعمارهم 2 سنتين تقريبا .. وكانت اختي الكبيره تجهز خواتي وتلبسهم لان كنا ناويين نطلع نتمشا ولبست واحده واخذتها وشليتها على يدي وطلعت فيها برا وكان فيه ولد الجيران شكله شوي يخوف هههههههه وخافت منه اختي الصغيره وقمت اركض فيها ابي ابعد منه طبعا كله مزح .. وركضت الين وصلت لبيت جارنا كان توه يبني بيتهم وكان فيه خزان ماء جالسين يحفرون فيه وكان عمقه يقارب 5 الى 6 متر وكان وسط الحفره اصياخ حدايد المهم مريت من جنب الحفره وكان الوقت على المغربيه .. وحسيت زي واحد يدفني على الحفره وممكن تكون تهيؤات .. وتفلت اختي الصغيره من يدي وتطيح ناحية الحفرة وانا حاولت امسكها لكن فلتت من يدي ولاحظت انها متجهه ناحية اصياخ الحديد .. وقتها ,, حسيت الوقت يمشي ببطئ حسيت كل شي بطئ .. وسبحان الله استرجعت ذاكرتي مع اختي في لحظات معينه .. وبدون ماحس بنفسي قفزت وراها ومسكت فنيلتها وشديتها ناحيتي ووجهت ظهري ناحية الحفره واختي ضميتها على صدري .... والحمدلله على كل حال .. سبحان اللي نجانا باعجوبه .. طبعا وقتها اغمي علي ثواني وصحيت وشفت اختي تبكي وقمت وجلست واقلها فيك شي ؟؟ جاك شي ؟؟ وهي تبكي .. جيت ابي اتفقدها بس حسيت يدي توجعني شوي وناظرت جهت يدي اليسرى ولقيت يدي مقطوعه من عند المعصم مو ماسكها الا جلده .. وجوا عيال الجيران يبون ينقذوني قلت لهم اول خذوا اختي ودوها البيت بعدين يصير خير .. وفعلا ودوني المستشفى وكان التقييم (( كسر مضاعف )) وجلست بالمستشفى من اول يوم بالعطله الين نهاية الاجازة (( ثلاث شهور )) الحمدلله تعافيت بس قهرررررررر .. طبعا وقتها الوالد تزوج من واحده ثانيه عشان ترعانا .. وبدل ماترعانا الله يجزاها بالخير ويهديها .. حولت حياتنا جحيم .. الله يسامحها ... وللحكايه تكمله لكن على كذا باقصلكم قصة حياتي هههههههههه اعذروني على الاطاله وان شاء الله اني اكون وفيت شوي من الاجابه .. مع فائق احترامي وتقديري لجميع الاعضاء .. وتقبلوا مروري .