ملتقى طلاب وطالبات جامعة الملك فيصل,جامعة الدمام - عرض مشاركة واحدة

SaD HeArT · 2011- 3- 20

اقتباس:

المشاركة الأصلية كتبت بواسطة my dreams

فلنرفع شعار التعاون معهم فاليد الواحدة لاتصفق وكلنا هنا في بيت واحد يجمعنا الحب والود والتقدير والاحترام والتعاون في منبر تعليمي وثقافي واجتماعي .

محبكم / أبو عبد العزيز

أبو عبدالعزيـز

في البداية .. حياك الله وعسى الله يوفقك في حياتك وفي دراستك ,

وتسلم عـ الموضوع وعـ التوضيحات الكثيرة اللي تطرقت لهـا

,

يقول المثل : ( إسأل مجرب ولا تسأل طبيـب ) ..

بـالنسبة لي .. أتفهم كل كلمه قلتها في الموضوع , وأي شخص تولى الإشراف راح يتفهم ويقدر كل كلامك ,

والكلام اللي راح اقوله مو مجامله ولا محاباه لك أو لأي فرد من فريق الإشراف في المنتدى ,

وإنما هو كلام من واقع تجربة وتعامل مع الإشراف ومع الأعضاء في منتدى يفوق عدد أعضاءه العدد الموجود في هـالمنتدى ,

لازم أعترف في البداية إن الإشراف صعب , وفيه ضغوطات كبيرة ,

ويجبرك بعض الأوقات على التضحية بـوقتك وجهدك وأمورك الخاصه ,

وأصعب ما في الإشراف من وجهة نظري .. عدم الإنصاف وإساءة ظن لبعض قرارات المشرف أو المشرفه ,

ولكن المشرف والمشرفه يجب عليهم أن يضعوا بين أعيينهم الإهتمام بـالأمانة خير إهتمام ,

ومن ثم مراعاة مصلحة المنتدى اللي يشرفون عليه , بالتواضع , وعدم التكبر , وعدم تطنيش الأعضاء ,

وتأتي بعدها أمور .. أهمها القدرة على كسب إحترام العضو , وهالشيء أساسه الكلمة الطيبة ,

والكلمة الطيبة لها مفعول السحر عند أغلب الناس , وتأثيرها يظهر بشكل مباشر ,

ولكن في الجانب الآخر .. المشرف والمشرفه يجب عليهم أن يطولوا بالهم على الأعضاء ,

فيه أعضاء ما تعرف سياسة المنتدى العامة , ولا القوانين , أتكلم عن منتدى متخصص مثل منتدانا اللي حنا فيه ,

فيه أعضاء ما عمرهم سجلوا في منتديات ولا يعرفون طريقتها , سجلوا فقط لمتابعة أمور دراستهم ,

هالنوعيه من الأعضاء لازم يكون الصبر عليهم أطول من غيرهم , لأنهم يستاهلون نعاملهم معاملة خاصه ,

راس مالها كلمة طيبة , وحسن تعامل , وطولة بال , وبعدها صدقوني العضو نفسه حتى لو كان معصب ومنرفز .

السموووحه عـ الإطالة , وكلامي مو قصدي فيه أعطيكم دروس في الإشراف , لا والله مو هذا قصدي ,

أنتم كلكم فيكم الخير والبركه , وقادرين بإذن الله على قيادة الأقسام اللي تشرفون عليها خير قيادة

.

وبـإذن الله سنرفع معاكم كل ما فيه مصلحة للمنتدى , وفي تجمعنا على قلب واحد تأكدوا إننا سنرتقي في منتدانا

,

وبـالتوفيق للجميـع

.