لا أخذت في خاطري من واحـد ٍ غالـي
ماعـاد ابـي النـاس قاصيهـا ودانيهـا
ماعاد ابي اللـي ينشّدنـي عـن احوالـي
العزله .. ابـرك مـن الدنيـا ومافيهـا
اجلـس لحالـي وانـادم نفسـي لحالـي
مهـمـوم / وهمـومـي الله لايحييـهـا
اغيب عن مجتمـع خلـق الله أشـوا لـي
وادلّـه النفـس .. لـيـن الله يسويـهـا
اضحك وانا الصدر .. لاداله ولا سالـي
مـن ضيقـة ٍ ماتجنّـب عـن حراويهـا
لا اونستها في ضلوعي كنهـا الصالـي !
النـاس مـاعـاد اناديـهـا بأساميـهـا
كنيتهـا ليـن شفـت الشـرّ فـي حالـي
عجزت لأهرج بها وازريـت لا أخفيهـا
ان جيت ابهـرج بهـا شـي ٍ ماينقالـي
وان جيت ابسكت ل( نار ٍ من يصاليها ) !
حتـى تسـاوا مـذاق المـر والحـالـي
حسبـي علـى كلمـة ٍ مانـي بناسيهـا
ياليتـهـا مــن عدويـنـي وعـذالـي
والله ل( تلقى ) الجـواب اللـي يدوايهـا
لكنهـا مـن حشيـم ٍ منـزلـه عـالـي
احترت فيهـا ولا ادري ويـن اوديهـا !
مـردودهـا كــل مامـنّـه تهيّـالـي
شيّمـت نفسـي عـن اولهـا وتاليـهـا
تمرنـي .. جعـل والله مالهـا والــي
ماكنـي اوحيتهـا مـن فـمّ راعيـهـا
واصد مـن دون لا أشـاور ولا أمالـي
بضاعـة ٍ بيـن بايعـهـا وشاريـهـا
ماني ب( ناقص ) غرابيـل اول وتالـي
روحـي مـن الوقـت فيهـا مايكفيـهـا
سوالـف ٍ كـل مامـرت علـى بـالـي
سمحـت مـن خيـرة ٍ كنـت متحريهـا
ياحـرّ كبـدي وياهـمـي وغربـالـي
مصيبـه ان كـان حاميهـا حراميـهـا
ضايق وضاقت بي فجوج الخلا الخالـي
( والنار ماتحـرق الا رجـل واطيهـا )
مهمـا يـدور الزمـان ويأمـن الجالـي
مايجرح الـروح غيـر طعـون غالي