|
مشرف منتدى مدونات الاعضاء سابقاً
|
رد: اللي عنده إستفسار عن دفع الرسوم و إرسال الوصل .. يتفضل :)
اقتباس:
المشاركة الأصلية كتبت بواسطة موكاا فراوله
عادي ياأبني كلنا تمر علينا المزاجيه وتحوسنا 
ههههههههه بس غسيل صحون طيب قول برسلك تشيز كيك فراوله اترك البخل 
|
يا هلا ويا مرحبـا أخت موكاا ,
والموضوع إعتبريه موضوعج , وعادي مو شيء جديد على بنات حواء كثرة السوالف <---  ,
لولا إني خايف تخربين الرجيـم كان أرسلت لج درزن تشيز كيـك ,
بعدين التشيز كيك كله حلا وسكريات , يمدحون السلطه والفواكـه  ,
تسلمين عـ الترحيـب , والحمدلله السعودية قريبـه من عندنا , نص ساعه وأكون بالخفجي ,
ومسألة الإعتماد .. التعليم العالي عندنا مزاجيييين من الطراز الرفيع , مره يعتمدون ومره يسحبون الإعتماد ,
عندهم الشغله لعبـه , وما يراعون الله ولا الناس اللي تتعب وتروح تدرس وتضيع من عمرها سنوات طويله ,
ولكن الحمدلله عندنـا قضـاء عادل ونزيه , وفي حالات سابقه وكثيره إعترفوا فيها في شهادات جامعات هنديه وفلبينية ,
فما بالج في شهادة جامعة سعوديـة وتحمل إسم الملك فيصـل طيب الله ثراه ,
بعدين علشان لا نستبق الأمور .. خليني أخلص وأتخرج وبعدين أفكر في الإعتماد  ,
ايه والله صدقتي .. البنات مو كلهم مثل بعض , وهالشيء وضحت في أكثر من مره ,
وبالعكس فيه بنات أفضل من 100 شاب و رجل , تحطها على يمينك وما تشيل هم اللي أنت مقدم عليه ,
وأما الشباب فـ مو بس يا لطيف , إلا يا 10 لطيـف , فيه نوع ما تطب الذبانه على خشمه ,
وإذا ما لقى أحد يتخانق معاه , تلقينه يتخانق مع نفسه , يا لطيييييييييييييييف  ,
سالفة العصفور والضب  , عجيب اللي جاب ضب , الناس في أول ليلة يجيبون وردة , ككاو , خاتم , شيء رومانسي ,
مو هذا يا دافع البلاء , مدخلها فلم رعب  ,
الحين مواعين منال العالم أحدث صيحة  إمحـق صيحه والله , يا زين مواعين وصحون أمي .gif "(204)") ,
حلو إن الحرمة تحترم نفسها وتلتزم في لبس يسترها قدام الله وخلق الله ,
بس سالفة إني أقعد وأنتظر برنامج طبخ , إسمحيلي , مباراة حاضر وأبشري , ولكن طبخ ومواعين No Way
خلاص لا تسوينه ..
البنات عنيدات , إذا قلنا سوو الشيء ما يسوون , و إذا قلنا لا تسوون يسوون ,
حياج الله موكـاا .. ولو أخت عزيزه وإن شـاءالله تصيرين زميلـه عزيزة أيضا في المستقبل القريب 
|