|
رد: استفسارات عن برنامج التوظيف الإلكتروني "جدارة"
اقتباس:
المشاركة الأصلية كتبت بواسطة دلوعه وزغيرونه
انا شكلي ماابي اكمل تسجيلي صدع راسي كل شوي يعلق والسيرفر ضغط علييه طيب ممكن اذا قررت وابي اكمل تسجيلي بآخر لحظة صورة المؤهل وش المقصود الوثيقة يعني نصورها والا السيرة الذاتية وإلا وشهي بالضبط وكمان الحين بداية تاريخ الدراسة وانا وش يعرفني متى بداية دراستي بالكلية حتى سجلي الاكاديمي ماطلعته والله تعب ماابي اروح للكلية ورقمي الطالبي عندي بالوثيقة طيب جامعتنا المصونة مو موجودة بضمن القائمة وحطيت اخرى وكتبت جامعة الدمام -كلية الاداب بالدمام صووح والا لا |
اولاً:لاتيأسين وخلي عندك عزيمه اذا علق السيرفر سوي تحديث واذا مانفع اطلعي من الموقع وارجعي له بعد فترة انا كذا مايمديني اكمل صفحه الا ويعلق السيرفر وانتظر ربع او نص ساعة وادخل من جديد واعبي صفحه ثانيه وعلق معي السيرفر واسوي نفس الحركة اطلع وادخل له بعد فترة لين عبيت كل الصفحات وكملت تسجيل ولله الحمد لايأس مع الحياه خلي عندك اراده يالغلا
ثانياً: صورة المؤهل المقصود فيها صورة الوثيقه وهي مش ضروري ترفقينها الآن لأنهم حطوا ملاحظه يمكن ارفاقها في وقت لاحق
ثالثاً: انتي شكلك ما قرأتي تعليمات تعبئة الطلب هم كاتبين ان تاريخ الدراسة مو لا زم بالضبط حتى لو تاريخ تقريبي وانا بالنسبه لي طلعت الملف اللي عطوني اياه الكليه بعد ماتخرجت قلت يمكن القى فيه تاريخ والا شي ولقيت ورقة الفحص الطبي اللي نسويه قبل ماندخل الكليه بشويات لقيت الدكتور كاتب تاريخ مراجعتي له تحت توقيعه فقمت وكتبته لهم لأنهم قالو تقريبي مو شرط بالضبط فإنتي دوري في ملفك يمكن تلقين تاريخ من هنا والا من هنا وحطيه لهم
رابعاً: رقم الطالب الآن خلوه اختياري يعني مش ضروري تكتبينه لكن بما ان عندك في الوثيقة الرقم اكتبيه لهم
خامساً: ما اقدر افيدك بالنسبه لموضوع المؤسسه التعليمية بس اكتبي ادخلي منتدى كلية الدمام واسألي البنات وان شاء الله يفيدونك وبالتوفيق يالغلا
|