ملتقى طلاب وطالبات جامعة الملك فيصل,جامعة الدمام - عرض مشاركة واحدة

ولـيـف الـروح · 2009- 1- 27

ياهلا والله ...

الصراحة كسرتي خاطري ما احد رد :o3:

بس ان شالله اقدر افيدك بالهشيء بحكم اني طالب تربية عملية في هالفصل ..

اقتباس:

وشايله هم التطبيق بشكل : (

لاتشيلين هم ان شالله ... توكلي على الله وانتي توك مستوى ثالث مع الوقت ينكسر هالخوف ان شالله

اقتباس:

أبغى أعرف كم ساعه لازم أكون مخلصه عشان أطبق

الفصل هذا سمحوا للطلاب يطبقون من 116 ساعة ... ويقولون الفصل الجاي من 120 ساعة التطبيق !! الله أعلم

لازم تخلصين بالنسبة للتطبيق مادة تصميم وتطوير الدروس وايضا مادة المشاهدة والمشاركة

اقتباس:

كم ساعه لازم أكون مخلصه عشان أطلع مشاهده

94 ساعة تكونين مخلصة او 92 في بعض الحالات ... (يمكن يتغير النظام الله اعلم ) بس هذا الكلام الفصل الماضي

اقتباس:

ولو جا سمستر التطبيق وانا ماخلصت الساعات المطلوبه يعني متأخره بكم ماده

لو متأخرة بكم مادة ممكن تطبقين بشرط ان المحاضرات ماتكون وقت الدوام بالمدرسة ..

دوام المدرسة 4 ايام بالاسبوع ... المتبقي يوم دراسي تقدرين تنزلين فيه المواد (اليوم هذا انتي تحددينه على حسب موادك)

او تقدرين تداومين بالجامعة في محاضرات بعد الظهر يعني تخلصين من المدرسة وعلى الجامعة :066:

اقتباس:

ولو خلصت كل مواد التخصص بس متأخره في المتطلب أقدر اطبق والا بتأخر ؟

المواد الي انتي متاخرة فيها مو مهم تخصص او متطلب بس اهم شي ماتكون مواد تخصص الي تسمح لك انك تطبقين .. (تصميم وتطوير ومشاهدة )

اقتباس:

ولو تأخرت أقدر أطبق في السمستر الأول من السنه اللي بعدها ؟ والا ضروري السمستر الثاني : (

التطبيق بالفصلين الاول والثاني .. لاتحاتين ينزل التطبيق بالفصل الاول انا الآن اطبق بالفصل الاول

اقتباس:

وغير كذا أيش المواد اللي مهم أخلصها قبل المشاهده ..

المهم انك تخلصين 94 ساعة او 92 ساعة حولها

عشان ترتاحين بالهموضوع الدكتور احمد عاشور منسق القسم رجل متميز باخلاقه وحيرد على كل تساؤلاتك ممكن تكلمينه ..

شكثر اسئلتك

اقتباس:

اممم وبعد لو بغيت أخذ صيفي أكثر من 6 ساعات أقدر ؟

الصيفي 7 او 8 ساعات بحد اقصى

اقتباس:

وطرق تدريس خاصه يقولي غير متاح المستوى ليه : (

توك بالمستوى الثالث لاحقة على طرق تدريس خاصة

ان شالله تغير هالوجه

الي حاطته الى :g8:

كل المعلومات الي عطيتيك اياها هي عبارة عن تجربتي الي خضتها ..

فيمكن يتغير النظام

شدي حيلك الآن بالمواد ولاتحاتين التطبيق

هذي اول مشاركة لي بالمنتديات اتمنى تقبلوني ضيف
تحياتي