|
رد: يبَقىْ الحَنِينَ بِدآخِلّيْ سِر مَكتَوُمَ .. وِ تَبِقىْ الأمآإني : عآإلقِه فُوقَ الأحَلآمَ ..
غيبوبتي طالت وحلم العمر طاف
وهـمّ التعاسة في مكاني رماني
أضحك وأجامل والحشا يرعف رعاف
مـتبعثرٍ مابين قـاصـي ودانـي
ماتت جماهير الأمل قبل تنشاف
ومستقبلي من قبل أزوره جفاني
وليلي طويلٍ ماله حدود وأطراف
والصبـح ما بيني وبينه موانـي
والموج يهزا بي وانا بدون مجداف
متغربـلٍ واليـاس حـلّ وطوانـي
مانيب شاعر ينظم الحرف والقاف
أنا قصيـدة و أبدعتها الأمانـي
على مساحاتي صدى الحزن عزّاف
وعلى جراحي تستريـح الأغانـي
شيٍ بجوفي ما درى فيه شفاف
ولا كل من يقرا الملامح قراني
وين السعادة ودربها كله إجحاف
لا راح هـمّ ... جدّ هـمّ ودعانـي
كنّي مطية للشقـا بين الأجـلاف
لا روح تفـهمني ولا قلـب حانـي
|