.,.
حقوق الصدآقه
مكسبي في هالحياه وراس مالي
معرفة شرواك و حقوق الصداقه
الصداقـه تعتبـر صراف ألـي
و الوفاء بين الرجال أهو البطاقه
و أنت عندي ياخوي الجنب غالي
و من غلاك اليوم أنا بهديك باقه
باقتن ماهي بتشرى بالريالي
من بحور الشعر وفداخل نطاقه
كان تنشد ياخويي كيف حالـي
عايشن مابين باب وبين طاقه
لك ثلاث أيام ما جاك أتصالي
تحسبني قاطعن حبل العلاقــه
تحسبني باخلن عنك بوصـالي
ودي أسج القدم يمك و سـاقه
مير والله ضايقن صدري و بالي
من صروف الوقت الأقشر و أصطفاقه
وقتنا اللي بين ميله و أعتدالي
ذقت مره اّه يا مشين مذاقــه
أعترضلي و أبتلشني ما صفالي
وقام يحداني على دروب الحماقه
و صرت أفكر فالمواقف و الرجالي
و الدقون اللي تحت موس الحلاقه
وش عطيت وش خذيت وش غداء لي
بين كل الناس أصحاب و رفاقـه
وطش راسي هاجسي و الضغط عالـي
و الروابع بين فاقه وبين فاقه
بس شين لاذكرته صرت سالــي
ما جنى صدام شيً من عراقه
جاتك الباقة على الطرق الهلالي
وقافها يا صاحبي الي و اقه
وخوتك هي مكسبي مع راس مالي
وانت صراف المـراجـل و البطـاقه
حزآم الجعيد
.,.