السلام عليكم ورحمة الله وبركاتة

الى متى يتم تجاهلنا ؟

الى متى و احنا نسال ويجاوبون علينا بكلمة " ماندري " المعتاده ؟

صدر امر ملكي بمنح جميع طلاب وطالبات التعليم العالي مكافاة شهرين
بدون النظر لاوضاعهم الاكاديميه واعلنت الجامعات بخصوص هذا الامر الملكي
وجامعة الملك سعود في يومها اعلن الدكتور العثمان ووضح الامر للطلاب والطالبات
وبدو بتوزيع المكافات من يوم الاثنين وخلصو كل شي

بس احنا ؟؟

لا مسؤول يرد علينا ؟ ولا احد يجاوب ؟ ولا في اي تفاعل مع الطلبة !!

واذا سالنا قالو ماندري واكيد انه مايشملكم !!!!

القرار له اكثر من اسبوع والى اليوم ماتدرون ؟؟

مين يدري اجل ؟؟

ليش يتم تهميشنا في كل امر يخصنا وكان مالنا حق بالمطالبه باابسط حقوقنا
تكلمنا في امر المكافات ولا احد رد علينا .. والحين لما صدر القرار الملكي بعد مالنا حق نطالب فيه ؟؟؟

في ناس واجد فرحت بهالخبر ومحتاجه لهالمكافاه ولكن لا حياة لمن تنادي
كان حرام هالطلبه يفرحون مثلهم مثل غيرهم من طلاب باقي الجامعات !

مالنا حق نتكلم ؟ او حتى احد يرد علينا ويوضح لنا !