|
رد: تجمع الفرقة الثالثة المستوى السادس
اقتباس:
المشاركة الأصلية كتبت بواسطة joOojo
مرحبا
بنات حابه اسألكم عن ماده جغرافيه الجفاف والتصحر مع دكتوره باسمه وش المسائل اللي معنا
ممكن تقولون في اي صفحه في الكتاب وياليت اللي فهمتهم تشرحهم شرح بسيط
وبسس مشكوريين
؟؟
|
مرحبتين
المسائل سهله مررررررررررررره
صـ 15
معامل الجفاف عند دي مارتون > انتبهي للعالم
p
----------
T+10
مثال :-
تبلغ كمية التساقط الخرطوم 230 مللم سنويا ومتوسط درجة الحرارة السنوي20 ْ
اسحبي معامل الجفاف عند دي مارتون
تحطين القانون وتطبقين
p= التساقط " بالمثال التساقط 230
t = متوسط الحراره " بالمثال متوسط الحراره 20
يصير الجواب
230
----------
20 + 10
تقسمين 230 على 20 وتجمعينها على 10
انتبهي سويها كلها ورا بعض
بالحاسبه
يعني مو تحطين 230 ÷ 20 وتحطين = وبعدين تجمعين 10
لا خليها كلها ورا بعض
230 ÷20 + 10 = 21
بعدين لازم تطلعين نوع النبات
يقولك لو 5 القيمه يعني صحراء
لو 10 استبس
لو 20 براري
لو 30 فاكثر غابات
فانتي طلع الناتج 21
معناته براري
وووووبس
سهله مايبي لها ترى ..
~
صـ 18
معامل الجفاف عند بوديكو
نفس الشي قانون وتطبقين
بس هالمره ضرب
وسوي نفس الطريقه
بس اللهم اعرفي كل رمز ودلالته
مثال :
يبلغ متوسط الاشعاع الشمسي السنوي في شيلي 20
ومتوسط التساقط السنوي بالمليمتر 84 ملم
والحراره الكامنه اللازمه لتبخير المياه 13 ْ م لعام 1985
احسبي معامل الجفاف حسب نظرية بديكو ؟؟
مع ذكر نوع النبات
وووبس ان شاء الله يكون واضحح
لو في شي مافهمتي عاتي لاتستحين اسئلي
|