يامضيق الدنيا وياضعف الإنسـان *** شف قرب ضحكك في الزمن من نحيبك
لاتحسب إن الوقت لاشان مـازان *** ولاتحسب إنـك بتّعـدّى نصيبك
الأرزاق مكتوبه وللدهر عــوان *** واللي كتبه الله عليك بيصيبك
العمر عسر ويسر وأفراح وأحزان *** ترزق بمولودك وتدفن قريبك
هذي هي الدنيا لها أشكال وألوان *** تضحك لك وتلقا بها مايريبك
ياصاحبي لك عندنا منزل وشـان *** وأنا إعتبرني سيف كفك وجيبك
وفي كـل دار لك بني عم وإخوان *** وأنا ولد عمك وإخيك وصحيبك