جتني وقالت خذ بقايا هداياك
وهاك الرسايل واعتبرها نهايه
...
وخل ذكرياتي والصور دوم وياك
ماابيك تنساني وتنسى هوايه
...
استر على ماشفت مني وماجاك
وعساك تذكر ذكرياتك معايه
...
قلت اسمعي قالت عسى الله يرعاك
ماعاد ينفع ياحبيبي كفايه
...
صاح الضمير وقال يازين وش جاك
ودي اعرف اليوم شنهو خطايه
...
ودي اعرف اللي حصل لاعدت مناك
شاللي حصل بالضبط شنهي الحكايه
...
قالت خطبني شخص مثلك وشرواك
وابوي ملكه لي وحطم منايه
...
قالت وهي تبكي ترى الكل يفداك
لكن الظروف زادت شقايه
...
غصب علي اليوم اوادعك والجفاك
مجبوره ياقلبي افض الروايه
...
لاتعتقد في يوم انا بقدر انساك
انت الوحيد اللي له القلب غايه
...
والقلب حان وفاته الف دكاك
والهم اعلن في حياتي البدايه