|
رد: للاسف اقول انكم شعب منتوف نتف !!! ( منقوول وقهرني )
يعطيك العافية دندن
موضوعك على الجرح والله
بتكلم اول شي عن الاشياء الحكومية
عندنا تسمع في نهاية السنة الميزانية قدرها وكذا مليار وتجي تشوف شوارعنا الداخلية والله السيارة تستغيث منها وتصيح ، تشوف الاشارات عندنا من العصر الحجري تجي تشوف الدوائر الحكومية اقلها دورات المياة والله ماحد يشتهي يدخلهم
بعض المباني تقول احنا في بنغلاديش مو السعودية مبنى قديييييم حده
>>> مطبق في الحكومة وشاف الوضع
نجي للبطالة واويلاه من البطالة
بلد الله يعزنا يوميا المدخول من البترول يساوي 8 مليون دولار ووزارة العمل تقول ان الموظف الي راتبه 1500 ريال مو لازم ياخذ مساعده من التأمينات
ياجماعه 1500 شتسوي هالايام نروح نشوف الاجانب
اشتغلت في شركة كان المسؤل سوري والله ياجماعه عنده كامري اخر موديل وراتبه اكثر من 70 الف ويلعب في السعودين لعب
والمواطنين رواتبهم على 3000 ريال و4000 ريال واذا صارت مشكلة مع الاجنبي او احد فتح فمة وزارة العمل صارت مع الاجنبي وطردت المواطن من عملة.
الخدمات الحكومية حدث ولاحرج
الاتصالات تسرق وتبوق في وضح النهار سرعه 128 كيلو حقت النت في اليابان كانت عندهم قبل اكثر من 10 سنوات
والحين عليها رسوم 90 ريال عندنا ههههه
الحين اقل سرعه عندهم في اليابان هي 1 ميغا وهذي مجانية بدون رسوم
وسرعة 4 ميغا رسومها الشهرية 12 ريال سعودي
واحنا عندنا التلفون بدون استخدام 60 ريال شهري
وكأن الاحتيالات السعودية تقول نبي نسرق ووانتوا ساكتين
الجرح اكبر من ان يوصف او يتخيط
قبل كم شهر واحد اعرفه متخرج من جامعة الملك فهد مهندس ماحصل وظيفة الا في الكويت وراتبة تقريبا هناك عشر الآف ريال
وهنا محصل وظيفة على 2500
وياقلبي حدث ولاحرج
الى متى يابلدي الحبيب؟؟
>>>>>> عانى كثير من الجلسة قبل يحصل الوظيفة 
دنادن عوافي على هالموضوع
|