يوم الاربعاء 25-4-1432

بصراحه احتفلت بخروجي من المدرسه الثالثه فرح غير طبيعي فرح لايذكر ابدااا

والله يابنات استغفر الله مادري وش اقول لكم اصلا مادري من وين ابداااا

اول يوم داومنا فيه ماحد كلف على نفسه يقول لنا وش نسوي وش نتبع وربي ماحد قال لنا الا على بدايه الاسبوع الثاني بدوو يعلمونا كل شي

واحنا وقتها وربي شاهد مافلحنا الا بالانتظار لدرجه معلمه وحده ماعندها مشكله تمسك 3 انتظارات باليوم

ماعترضنا ولاقلنا شي عادي لكن معقوله ماتدخل علينا مشرفه او موجهه من الاشراف او نعيريه

بصراحه مشرفتي مادري وش يعجبهااا شديده بدرجه تخليني ابكي ولاتعرف تتصرف معي

لدرجه مرتين يابنات مرتين احضر درسي اجيب اغراضي وارتب كل اموري الا تدخل علي فجاه تقول قومي ادخلي على الفصل الفلاني عطيهم الدرس هذا

وربي مااملك الا 30 دقيقه بس احضر لي كم حرف وكم كلمه

مرتين سوتها فيني وبلعتهااا واروح لصديقاتي ابكي لدرجه كلهم يقولون لي انتي اكثر من انظلم فينااا

من جد كانت غريبه عجيبه

لدرجه كنت اقولها ابي دفتر تحضيرك باخذ افكارك وابستفيد

تقول لا ممنوع من قال

ويوم سوت المديره اجتماع لنا معاها قالت المديره بالحرف المليان بنات تاخذون دفتر تحضيريكم من الاستاذه نفسها ونجدد التواريخ ونسوي اضافات بسيطه

وقتها هي احمر وجهها وتتلفت يمين يسار

قلت انا عفوا استاذه ناخذ دفتر مشرفتنا يعني

قالت اي

انا تعمدت اسال مرتين عشان هي تحس اني كشفتها انها كذبت

بعدها بساعه الا هي تقول حياك افطري معانا وتصب الشاي وتصب القهوه ماعرفت ترقع لي باي وسيله كانت

بنات وربي انا منصدمه لدرجه اشوف كلام صديقاتي وخوياتي بالمدارس الثانيه انصدم تخنقني العبره

مدرساتهم اللي معاهم يجيبون لهم فطور ويوم بوفيه مفتوح على الغدااا وعطوهم هدايا تذكاريه

ومره تعلقووو المدرسات في طالبات التطبيق وعطوهم افكار على الدرس

يابنات انا اروح لها اقول لها استاذه ساعديني بمقدمه وش تنصحيني

تقول انتي ابدعي بالحالك ليه انا عطيك اسفه ماقدر افيدك

متصورين؟؟؟

بنات غبنه وربي غبنه معقوله بناخذ من ميزانتيهم شي لو بس حشمونا بقهوه وشاي وتعاملو معانا باخلاق زي الناس
والله الوحده فيهم ماتسلم عليك الا اذا انتي سلمتي وابتسمتي

ولااحد فيهم جانا وقال ناقصكم شي تبون شي نفيدكم بافكار

بنات وربي انا ماقدرر احللهم عند ربي مامر يوم الا وابكي من هالمعامله

البنات يقولون احلا ايام هي ايام التطبيق

انا ماحد صبرني الا بنات فصلي جابو لي بوكيه ورد وبكووو مره يوم جيت بطلع طلبو ايميلي

والله حسوو فيني اكثر من هالابلات

لدرجه انصدمت انهم يوم راحوو لمشرفني وقالوو امانه يااابله نجحيهاااا


وربي انصدمت

طالبات وشوفو كيف تعاملهم

واساتذه لهم في المدرسه 8 سنوات ماعندهم سلوم واحترام للغيرررر

لدرجه اليوم البنات جايبين فطور ومره اغراض كيك وقهوه وشاي ورق عنب تبارك الرحمن جميع الاصناف

الا جات استاذه منهم

قالت جاكم صحن معجنات ؟؟

انا على نياتي فكرته منهم

قلت اي استاذه مشكورين ماقصرتووو

قالت لا هذا حقنا طلبنااا

انا يوم شفتها ماستحت ولاحسوو كلهم انهم مقصرين

قلت يؤؤ كليناه كل وحده مننا فكرت انها طالبه

بالله يابنات هاذي مدرسه

الله يسامحهم

وعلى درجاتي وتقديمي يوميا استودع ربي وادعي وعارفه موب مخيب ظني