السلآآآم عليكم ورحمة الله وبركـــــآته
اسعد الله أوقــــآتكم ..
اعجبتني انشودة لذوي الاحتياجات الخاصة
ونظرة الكاتبة لهم بأنهم موهوبين ولديهم عزيمة للتعلم والابتكار وعجزه لآيمنعه من الابداع..
وخاطبت الكآتبة في قصيدتها كافة ذوي الاحتياجات الخاصة,,
حبيت اشارككم هذي الانشودة بما ان تخصصنا تربية خـــآصة
<-تفضلو -{
http://www.youtube.com/watch?v=uEZnj...eature=related
وإليكم كلمـــآتها
<..حدود الصعب..{
تجهز و انطلق و أثبت وجودك وأهجر الخذلان
تخلَّص من حواجز ضعفك الكاذب ودمرها
على نار الطموح اشرب من دلال الأمل فنجان
ومن هيل التحدي .. قِمْ.. وعود العزم بَهِّرها
أبيك تفصّل بنفسك ثياب الصبر والإيمان
وحاذر من (مقص الياس) حاذر لا يقَصّرها
أنا ما أبيك تحبس نفسك بنفسك ورى الجدران
و باسم (إنك معاق) تحطِّم أحلامك و تهجرها
إذا عجزك (عمى) كوّن من أسماعك صور وألوان
ترى نور البصيره ظلمة الدنيا ينوّرها
و إذا عجزك(شلل) فالروح ما تنشل عند إنسان
تَحَرَّك.. سافر بفكرك و لفّ الأرض و اعبرها
وإذا عجزك (بَكَم) خَطّك لسانك... والعيون أحيان
هي أبلغ حرف يحكي عن أحاسيسك وينشرها
وإذا عجزك (صمم)سمعك كتابك... والفؤاد أحيان
يسَمّعك الحقيقه قبل ما غيرك يصوّرها
ألا يا صاحبي دام إن لك عقلٍ و لك وجدان
معك نعمه حرام بعالم الإحباط تقبرها
وإذا بك نقص صدق صاحبي ممكن ترى ما يبان
إذا تبرز مواهب نفسك الحره وتِظْهرها
تأمل نفسك وحاول تعدّل كفة الميزان
و دَوّر داخلك عن موهبه تقدر تفجّرها
تخلي الناس عن نقصك و عجزك صاحبي عميان
و بِك مايذكرون إلا فعالٍ طاب مَخْبَرْها
لا تَبْني في خيالك سجن فيه المجتمع سَجَّان
و تجلس خلف قضبانه دموع الضعف تنثرها
و لا تحزن إذا ما انفض عنك الأهل و الخِلان
ما دام الله معك عينك بشوف السعد بَشّرها
أنا ما أبيك يوم تقول أنا عاجز و لا لي شان
و لا أبغيّك تزجر ذاتك بعجزك و تأسرها
أبيّك أقوى و أصلب من جنود الضعف و الشيطان
تِقَوِّي نفسك بنفسك على العجز و تِصبّرها
تحرّر من قيودك ما نبي (لخيل الطموح) عنان
و زيّن صفحة التاريخ بأمجادك و سطّرها
و عمِّر لك سفينه و أنت لهْ يا صاحبي ربان
و بسم الله تشق أمواج حزنك به و تَكْسِرها
أبد ما هو معاق اللي تحدى العجز مهماً كان
إذا بالله تحدى إعاقته لابد يقهرها
أبد ما هو معاق اللي يحاول يفتح البيبان
و يكْسر قيد عجزه لجلْ ما روحه يحرِّرها
تأكد إن لا الوحده /و لا الغربه /و لا الخذلان
تِعَكِّر صفو روحٍ دوم ذكر الله يعطّرها
ما دام اليأس ما يعرف لقلبك صاحبي عنوان
(حدود الصعب) بالله ثم بالتصميم تعبرها
:::::::::::::::::
احترآآآمي وودي للجميـــع,,
~| Miss Hanoof |~