|
طريقة لمعرفة العامل المشترك
السلام عليكم شباب
مدري أنا بس حاب أبين طريقة يمكن أتساعد اللي عنده مشكلة مع العامل المشترك
نجي للطريقة
أنقول عدنا هذا المثال
2 ص+8ص+18 ص
أهنا ويش راح أنسوي أول شيء ناخذ الرقم الصغير اللي هو 2 و أنشوف إذا 8 و 18 قبلت القسمة عليه يعني ما طلع عدنا فواصل مع الرقم على طول يصير هو العامل المشترك
نجي حق الطريقة الثانية
وأنشوف هذا المثال
24 س+ 15ص
الحين لو قسمنا 24 على 15 هل راح يعطينا رقم بدون فواصل طبعا لا في هذه الحالة ويش نعمل أنه نرجع حق جدول الضرب و أنشوف أيش الرقم اللي نضربه في 24 و 15 و يعطينا الناتج لكلا الرقمين يعني نضربه يعطينا الناتج 24 نضربه و يعطينا الناتج 15
نشوف الحين 3*5 = 15
3*8= 24
الحين بين عدنا العامل المشترك اللي هو 3
أتوقع يمكن في طريقة أسهل منها فياريت احد يفيدنا 
|