sure li هلا بك اختي كل ما طلعت لي فكرة بأنقحها وانزلها نورتي

روبينيا حبيبتي الغالية لا بتكفي الورقة يا الغالية اما اذا كان خطك كبير استخدمي
1- كراسة رسم كبيرة وخليها للمذاكرة في البدايةاو
2-اوراق A3أو
3- او ممكن تزيدي ورق من الجهة الي تحتاج ورق زي الوصلة ولكن خلي اللزق من ورى عشان تقدرين تكملين عليها وما يضايقك اللزق كثير تكلمو عن ها المشكلة وهذا من احد الحلول الي طرحت
بعدين راح تتعودين على التخطيط وراح تسوينها حتى على اوراق الدفتر العادي

اول ما بديت كنت اسويها على اوراق كراسة الرسم حقة اخواني شوي شوي صرت وانا مستعجلة ارسمها احيانا على اوراق التقويم بعدين اعيدها على اوراق A4

ومعلومة عن خريطة العقل

خريطة العقل كل ماصارت مدعمة بالصور كانت اكثر ثبات في الذاكرة
لان الصورة =1000 كلمة
ومو لازم تكون الصور حقيقية ممكن صور معبرة او مجازية او تعبيرية فقط

عشان تثبت المعلومات بس
وهذا شكل لها
اطلعوا عليها وبعد خمس دقائق سمعوها تلاقونكم حفظتوها ههههه

اتمنى لك التوفيق يا قلبي

الغالية ضاقت هلا بك والله نورتي

حبيبتي tn toon كلنا نعاني ونكره ها المادة بس وش نسوي كلها محاولات شي يصيب وشي يخيب والنجاح ما يجي الا بعد عدد من محاولات فاشلة استمري فستنجحين بالنهاية ولا تقولين سويت الي علي لا قولي باقي توني ببداية الطريق وطريق الالف ميل ترى يبدأ بخطوة
تدرين كنت ناوية احذف ما دة التحرير والنحو من ها السمستر بس قلت خليني امشي مثل ربعي يا تصيب يا تخيب وانا ما قصرت سويت الي اقدر عليه
ومن ناحية النحو والتحرير ترى الاعراب ما يجي الا بفهم مدعم بحفظ

اول فهم افهمي الجملة وش معناها وكثري من السؤال من سوى الفعل كذا ومن الي كذا لين تعرفين فاعل ومفعول وفعل ومبتدأ وخبر بعدين شوفي الدخلاء فيه احد داخل عليهم ادوات جزم ولا غيره ولازم تكونين تعرفينهم يا الادوات سوي عنهم بحث بالنت وبتتعرفين عليهم شوي شوي واكتبي اذاهو رفع او نصب بعدين استعيني بالحفظ ودوني الحركات والله يعين يا رب دعواتكم تقبلي ودي