|
رد: ذآكرة الأيام .. } إحساس لآ ينتهي ^
من كثر ماني بسولفبك وأهذريبك
صارت وصوفك تغيض وتقهر أصحابي !!
قهرتهم ياحلو حتى عذاريبك
يا أصدق الحب ياناسي مع أحبابي !!
يحقّلي لو غرامك مُر أماريبك
وإلا أنا لا تقول : اشبيّ ؟ | وش مابي ؟!!
من وين أطالع أشوفك رغم تغريبك
يا حيّ طيفٍ يجي ياقف على بابي !!
رحت آتحسّس يدينك قبل أهلّيبك
أثرك معي وأثر دمعي بلّل أهدابي !!
أثرك توسّد خفوقٍ نبضه يجيبك
وأثري أسولف معاك وتسرق أعجابي !!
همسك حبيبي يغلّف كل أساليبك
يا مبسم العطر ياللي غلّف كتابي !!
أموت في غيبتك وأعشق ألاعيبك
أموتبك وانت توّك جاي تحيابي !!
لا ماذبحني خطاك وخوفك وريبك
هذي نتايج غيابي , للعن غيابي !!
وأنا أدري أنّي ذبحتك وأنقتل طيبك
وأنا أدري أن الجفا والبُعد بسبابي !!
|