صباح الخير للجميع .. اسئله جميله جدا .. باجاوب على اخر سؤالين ..
س1| سؤالي يقول ليه الرجال يستحون يقولون اسماء اخواتهم أو أمهاتهم قدام أصحابهم أو كل الرجال اللي يعرفونهم؟؟.. )) أشكر أميره بشموخي على السؤال الرائع جدا .. اللي يعكس تفكير الاغلبيه من الشعب السعودي بشكل ملخص ودقيق ..
انا عندي 7 اخوات .. 5 من الوالده .. و2 من زوجة الوالد
بابدأ باختي الكبيره الله يحفظها .. اسمها دارين وهي مدرسة رياضيات والحين تحضر ماجستير رياضيات .. متزوجه وعندها ثلاث اولاد .. الله يوفقها يارب ويسعدها ويحفظها .. انا اعتز فيها واتفاخر قدام الجميع فيها فهي مربية اجيال وام بنفس الوقت وانسانه مثقفه ومتعلمه ..
اختي غاده الله يسعدها .. اصغر مني .. تخرجة من الثانوي وتزوجة والحين تبي تقدم بالجامعه .. وطموحها علم نفس او هندسة تصميم داخلي .. بصراحه فنانه بقوه .. لها رسوم فنية تشكيليه .. ومعلقين جزء بمجلس الرجال وجزء بمجلس الحريم واجزاء موزعينها في البيت .. انا معجب جدا بها وبفنها وبحسها الراقي .. افتخر فيها جدا وارفع راسي بها .. الله يحفظها ويوفقها بحياتها ..
اختي رغد ثاني ثانوي .. انسانه طموحه جدا .. مثقفه لابعد درجة .. فرفوشه وحبوبه .. الله يسعدها وييسر امورها كلها .. انا اعتز فيها وافتخر فيها عند الرايح والجاي .
شهد ومجد توأم .. اول متوسط .. بالنسبه لشهد .. متعوده من يومها صغيره تكتب خواطر واشعار بمذكراتها .. وتكتب احداث يومها بخواطر او بشعر .. الحين مسوين لها مكتبه شعريه بالبيت ... اما مجد تحب تتعلم .. وخاصه تحب الانقليزي .. دايم اتكلم معها انقليزي عشان اعودها وعشان ماتنسى .. الله يحفظهم ويسعدهم ويخليهم لي ولايحرمني منهم كلهم ..
اختي ذكرى .. اختي من ابويه .. رابعه ابتدائي .. مثقفه جدا جدا .. اكثر مني .. ماشاء الله عليها .. مره كنت مجمع العيال الصغار كلهم .. وسئلتهم سؤال وقلت اللي يجاوب باخذه معي للسوبر ماركت .. وقلت لهم: من اشقى (( الشقي بالعاميه أي العاصي )) واحد ؟؟ اللي رد وقال انا واللي رد وقال فلان او فلانه .. وهي ساكته .. وانا اقول غلط .. وشوي ردت وقالت (( فرعون )) .. وفيه مواقف غيرها واجد .. الله يسعدها ويوفقها ويحفظها
اختي شوق ( شوقه تسمي نفسها ) دلوعه مره .. عمرها 4 سنوات .. الله يسعدها ويحفظها ويوفقها .. وهي اصغر اخواتي
امي (( الله يرحمها ويسكنها فسيح جناته )) : فاطمه بنت محمد بن سعيد
اللي يعرفها بيقولي مايحتاج توصفها .. قصتها وكفاحها وصبرها على الدنيا .. يخليني ارفع راسي فوق فوق بها .. وان شاء الله بانزل موضوع عنها .. هذا اذا ماخليتها روايه عنها .. قصه من اروع القصص .. صبرت بدنيتها الين توفت .. الله يجعلها من سكان الفردوس الاعلى يارب .. تكفون ادعولها .
الحين بتقولون اشفيه ذا مو صاحي .. يقول اسماء خواته ويقوم يوصفهم كمان .. هذا مايستحي هذا ماعنده غيره ... الخ
اخواتي كلهم وامي افتخر فيهم واعتز فيهم .. واعتبرهم قدوه لي ..
بالنسبه للي يخاف لايقولون الناس عنه شي .. باقلك وليه خايف؟؟ .. يعني مو مفتخر فيهم ؟؟ هل الناس الغرباء والناس اللي لسانها طويل بتخليك تفقد عزتك وثقتك باهلك ؟؟ هل الناس اللي لسانهم طويل بيخلونك تحرم اخواتك وامك من حقوقهم ؟؟ وش العيب ؟؟ وليه مافيه غيره اللي يقول اسم امه او اخته او يتفاخر فيها ؟؟ هل الناس صارت بالعقليه هذي ........ ؟؟؟؟؟؟ ليه تخلون الناس المتخلفه تتحكم بحياتكم ؟؟ ليه ماعندكم لسان تردون ؟؟؟؟؟؟ واللي يقول شي باهلي باقص لسانه .. مو بس انا اللي بسوي كذا كلنا بنسوي كذا .. طيب ليه نخبيهم ونخاف على سمعتنا من كلام الناس ونحرم اهالينا حريتهم وحقوقهم بسبب الخوف من كلام الناس التافهه ؟؟؟؟؟ اعذروني بس تخلف بمعنى الكلمه ....
ان شاء الله مافيكم احد بالصفه هذي .. وان شاء الله تكونون كلكم من الناس الباره في اهلها .. واللي بيتكلم في اهلي من ورا ظهري وبدون علمي .. اذا مو عاجبك اني افتخر باهلي واني اعطيهم حقوقهم كامله فترا فيه اربع جدران .. واذا انت قريب من البحر يكون افضل .
اخوي مستغرب اعجبتني ردودك جدا .. انا معك بالتكاتف لدحض العقليات الرجعيه والتي تنسب لعقليت ابو جهل والتي يقال بان معظم هذه العقليات ورثت تخلف وجاهلية قريش ماقبل الاسلام ..