|
رد: قيادة المرأة السعودية للسيارة .... من يؤيدها؟؟!!
يالله .............فرج علينا
اذكر في قناة من القنوات كان واحد يتبجح ويقول (بالرسايل ) لو صدر القرار انا بوقفه وظلينا ندعي عليه وفي الاسبوع الثاني رسل واحد الى القناة وقال ادعو له تراه في ازمة صحية
بصراحة اللي يقولون المرأة لا تسوق السيارة يتجاهلون قضايا كثيرة لو أسرد القصص مارح يتسع لها الملتقى
عندنا ناس مرضى والله يعلم بحالهم ودايما يحتاجون السيارة بس كلهم حريم ......بالله شو يسوون
احنا في الاسبوع اللي اخوي يسافر لشغله نتعطل : المستشفى ...الاكل ....المدارس ...وتخيلو وقت المطر كيف يمشي الطفل في برك الماي لين يوصل المدرسة
اصلا لو بيخللوننا نسوق على الاقل تقل المهازل اللي قاعدة تصير كل يوم
اختلاء السواق بالمرأة ( اللي يجسده مسلسل أسوار ) يعني لو كانت المرة تسوق كانت على الاقل وحدة توصل الباقي مو رجال معها اكثر من ساعة مرتين في اليوم
مو البزران اللي يطلعون من الفجر الى المدرسة ممكن تةصلهم امهم
مو ممكن ان المرة اللي زوجها مشلول او كفيف او...او .....ممكن هي اللي توصلة
هذا غير الذل اللي تصير كل وحدة فية وهي تطلب التوصيل من فلان وعلان
لا تقولون المرة عندها ابوها او اخوها او زوجها
الابوة راحت والاخ اذا هو يمك بعدين بيتزوج وبيدبر اموره وانا .......بعدين .بكرة .. في اليوم الفلاني اللي مارح يجي
وااله اني في قناة من القنوات وحدة رسلت تقول ان زوجها يبتزها اذا ما عطته الرقم الفلاني من راتبها مارح يوصلها وتقعد في البيت
في رأيكم هذا وضع يرضاه الله ورسوله
معاناة .....وااله كأنه حصار
اللي يقول المفروض المرأة ماتسوق يبشر بالدعاوى
|