|
رد: هل تقبلين الزوج براتب 1500؟؟؟موضوع لنقاش !!!
اقتباس:
|
هلا بك اخوي ... الحياة قسمه ونصيب ممكن وحده متزوجه واحد غني ومرتاحه وممكن العكس تماما... لكن انا اشوف من اهم شروط الزواج الماده لان الحياة ممتطلبات .. لنفرض اني وافقت اخذ واحد ع قد حاله راتبه 1500 ويلا سكنت مع اهله ... وابوه يساعدنا في المصرووف ..... هل ابوه بيظل يصرف علي دايم !!! طيب انا ابي اساعد ابي حياة حلوه .. دورت وظيفه !!! مالقيت وهو راتبه ماتسدد فاتوره من الفواتير ... ساعتها الخلافات بينا وارده لان اغلب الخلافات الاسريه ناتجه عن سوء الماااده .. وقلة الحيله ..!! وانا معك ان السعاده مو بالفلوس .. لكنها عامل مكمل للسعاده ... كل الشكر لك اخوي..
|
هلا بك زود وكلامك فيه من الصحه الشي الكثير وأنا ما اختلف مع الأهمية والضرورة الملحة للمدخول المادي والمستوى المعيشي واللي بدونه هاليومين يحس انه مبتعد عن العالم في جميع المقاييس .. الزواج بعد ماهو لعبه والرواتب اللي يشتغلون فيها اصحاب الـ 1500 ريال او الـ 2000 ريال اكثرها ما هي مضمونه او عقد كم سنه [ ومع الباب ] .. وحتى لو كانت الوظيفه مدى الحياه .. كلها سنه والثانيه وراح تكون أسره مكونه من واحد واثنين غير المصاريف وغير اشيا كثيره ..
الرازق الله ونِعم بالله .. وانا مع الأخذ بالأسباب اولاً والحكمه والمنطق والعقلانية تقول ان الواحد يحسن اوضاعه بأي طريقه قبل ما يطب في حفره يمكن ما يطلع منها أبد او يضطر لمسائلات قانونيه كثيره من وراء الصرف على الأسره 
انا كـ طالب جامعي وعزابي في الشهر الواحد ما يكفيني 1300 ريال تقريبا .. واحيانا توصل الى 2000 << لو صار عطل بالسياره 
نسمع قصص كثيره كيف تتفتح أبواب الرزق للمتزوجين حفاظا على نفسهم من موبقات الحياه .. ولكني أحب تهييء الجو والخطو لحياه أكثر مثاليه .. لأنها تنبني علي اشيا كثيره ..
وأنا كشاب لن أقبل على عمل كهذا ( الزواج ) الا وانا اعلم تمام المعرفة ان ابنائي لن ينقصهم شي ولن أذهب هكذا جزافا .. ومن ثم ارى تقلبات الدنيا كلها علي ؟ .. وعثرات الزمن جداً محبطه ..
هذه وجهة نظري .. واما ذاك الرد فـ كان لنظره شامله لمن يظن ان الزواج بالمال المترف هو السعيد ..
جميل جدا نقاشك
|