|
قضية للمناقشة المستوى الأول للجميع
قسم بالله كرفو مندوبنا بالمحاضرات والواجبات والمناقشات 
اخوياي الي بجامعة الامام تخصص اقتصاد معطينهم 20 صفحة لكل مادة يذاكرون منها ويدخلون الاختبار لا واجبات ولا مناقشات ولا فشخرات فاضيه ولا شي
واحنا شغالين اشتر كتاب قانون وكتاب عود وكتاب طبلة
اشغلو اهلنا وموب ملحقين لا من العمل او البيت والاطفال او مستشفيات او مراجعات او .. او.. او..
مافيه اختصار للموضوع هذا كله ؟؟؟
يعني موب معقوله لما نحل واجب لازم ننسخ ونلصق !! ابغا لما اشوف السؤال على الأقل الاقيه في الملخصات الي حطوها لنا بدل العفسة الي انا فيها
ماراح اشتري كتاب ولا نيب رايح ادور برا المحاضرات اي كتب ثانوية غير الموجود عندي هنا .. انا منتسب ولست منتظم (( فيه فرررق ))
كل الي ابيه ترقيات بالعمل ليس إلا
مع العلم من فترة قالو جامعة الامام صعبه ودكاترتها صعبين !!! والله اني شايف العكس الحين ( من طلع من دارة قل مقدراة ) يعني افتك من الجامعة العربية المنفوخة والفاشلة بموادها وتدريسها ومعالدتها للدبلوم الي عندي .. واطب بجامعة فيصل بكل معاني التوهيقات
وش الحل يا جماعة .؟؟
هل نرسل للدكاترة ونقول لهم الرحمة يا بشر ؟؟
والا وش نسوي ؟؟؟
فلوسنا واندفعت
قيمة رسايل الجوال الي ما شفنا منها شي ودفعناها
اوراقنا .. وارسلناها
متابعة للمحاضرات الغير مباشرة .. وتابعنا
ملخصاتهم وحملناها وطبعناها
والي شرى كتب من مكتبات علشان يحل الأسئلة
وفي النهاية قلة منكم يعرف يحل المناقشات والباقية ماعندك احد
هل هذا دليل على فشل الجامعة او التدريس او المحاضرات او ايش ؟؟ وين الخطأ في الموضوع ..؟
الزبدة .. ما ابي ادخل في متاهات ويكفيني المتاهات الي عندي :
هل فيه ملخصات ندرس منها ونحل منها الواجبات والمناقشات وأكيدة بدون ما اقعد احوس واشتري وادفع كل شوي والا ابحث عن حلول ؟؟
لحد يقول نزل المحاضرات المباشرة والغير مباشرة والمطبوعة واشتر كتاب ومدري وشو .. هذي مستحيلة
ادخل الامتحان واحل على البركة ازين لي ماراح اشتري ولا راح ادوخ مخي اكثر من كذا
ان مشي الحال .. والا سحبت ملفي بلا ترقيه بلا هم الي فيني مكفيني
يالله دلونا على المعقول ونبدأ فيه قبل الامتحانات
وشكلي كذا والله اعلم ببطل مانيب حال لا واجبات ولا مناقشات
ابغا اختبار على طول ويكون من نفس الملخص مابي دوخة راس وهجولة
|