|
رد: بنات الكلية بجميع الأقسام .. تعالن فضفضن
 السلام عليكم..... حبيباتي هدو اعصابكم ان شاء الله بيظبطونا.gif "(204)") قريباً ....
والله ما قصرتو وفيتو بالكلام وصدقتو فيه .... انا بعد ودي اعبر عن شعوري عن كليتنا الفاشله جدااا
عمليا وعلميا ....
اولاً:
كافتريا = مقصف واجد عليها لانه مافيه الا كاكاو وعصير وفطائر نادرة الوجود بعد الساعه 10وطبعاً الفطيره بريالين سواء كبيره (بيدو) او صغيره (الموركي والارياف ) والكاكاو على 3 و2 ريالين .
كراسي معدومه ومغبره ومن عام 14وحطبه... البلاط بعضه متكسر كانه له مية سنه 
....................................
ثانياُ:
الادارة والاداريات : ماعندهم لا شغله ولا مشغله معلقين على التنورة الميدي وتاركين جوالات الكاميرا
ولا مسويين شي للشذوذ لا تعهدات ولا طرد ولا اي شي لدرجة انهم كثرو بقوه وكل وحده عينها اقوى من الثانيه كانك انتي غلط وهم صح ...الدنيا انقلبت
وطبعا اغلب الاداريات مايعرفون شي بالنسبه للقوانين تسئلينها وما تعرف ترد عليك وطبعاُ تسوي روحها معصبه و طنشك بقلة ادب ما كأن اللي تكلمها بنت كبيره وطالبه علم جامعيه محترمه ...
............................................
الاستاذات :
تجي متاخره عن المحاضره وتحاسبك اذا انتي تاخرتي بعين قويه ..يركضون في المناهج ومو ضروري نفهم اهم شي تخلص وانتي بطقااااق 
........................................
طبعا الاشياء اللي ناقصه كثيره : من ضمنها:
مبنى كبير يستطيع احتواء العدد الهائل لطالبات ويضم هذا المبنى
1- قاعات مهيئه لدراسه (شاشه +تكييف + كراسي مريحه + وسبوره كبيره مناسبه للمواد العلميه )
2- كفتريا مغلقه وكبيره و مكيفه وتحتوي على اطعمه مناسبه للمستوى الجامعي وارضيات مرتبه وكراسي وطاولات للطالبات الاتي بالكاد يجدن وقت للراحه من ازدحام المحاضرات.
3 - توضيف اداريات على علم كافي بالقوانين والانظمه الجامعيه ويجب عليهن االتعامل مع الطالبات باحترام لان( الطالبه ما تشحذ منها ).
4 - وضع قوانين صارمه ومشدده على الشذوذ و على جوالات الكاميرا .
السموحه طولت عليكم ....شكرا لصاحب الموضوع لانه جاد ومهم
وياليت احد يسمعنا ويستجيب.... تحياتي للجميع
|