الله يحييك اخوي ابو تركي .. ايه يعجبني كذا
اولا انا اقلك شي .. سياقة المرأه للسياره شي طبيعي .. واللي لازم تنكره هو ليه يرفضونه من الاصل .. وش حكمة الرفض .
تدري ليه انت ترفض الشي هذا ؟؟؟ انا مادري لكن توقعي .. الناس قالوا غلط .. وقلت غلط .. وقالك واحد بالله ترضى تخلي اختك تسوق بالشارع .. وانت كردت فعل طبيعيه قلت لا مارضى طبعا .. خوفا على سمعتك وسمعة خواتك .. وخوفا من ان يقال لك انك عديم الغيره .. (( هذا توقع لا اكثر .. ولكن اغلب الناس هذا تفكيرهم ))
بس تعال معي فكر فيها .. ليه نمنعهم من السياقة ؟؟؟ وش الشي اللي يخلينا نقول ماتسوق المرأه ؟؟؟؟ حرام !!!! .. وانا اقلك ماهو حرام وان النساء في عهد الرسول صلى الله عليه وسلم كانوا يركبون الدواب .. وكان لهم الصوت في مجالس الرسو صلى الله عليه وسلم .. وعند البيعه لم يأخذ الرسول فقط برأي الرجال .. وانما اخذ ايضا برأي المرأه وسئلهم من ورا حجاب واجابوا بالقبول ..
انت تقول اعطني سبب غير انهم يقضون شغلاتهم لانها ماتقنعك لانه سبب بسيط وعادي جدا .. الله ينور عليك .. فعلا هذا سبب بسيط جدا ولايجب التفكير فيه الى درجه انها تاخذ النوم من عيون الناس ويقولون درءً للمفاسد ويحاولون بكل جهدهم التصدي لهذا الفكر .. عشان شي بسيط كما ذكرت انت .. شفت تفاهة الموضوع كيف :)؟؟
سبب ثاني !! طيب باسئلك سؤال .. انت عندك سبب ثاني لسياقة السيارة غير انك تقضي مشاويرك ؟؟؟
سبب سياقة السيارة لكل الجنسين هي لقضاء الحاجيات فقط لاغير .. (( سؤالك جدا رائع )) لماذا نقول انه يسبب فساد ونرفضه درءً للمفاسد ؟؟؟؟!!!!
ابيك تجاوب علي وتناقشني عشان اشوف مدى اقتناعك ومدى تفكيرك .. عشان اقدر احاورك .. واشكرك على تقبلك الحوار برحابة صدر :)..