2011- 4- 15
|
#19
|
|
المٌشٍرفه العَآمه على منتدى كلية إدآره اعًمًالٌ سابقاً
|
رد: هل فيه واجبات ثانيه غير الانقليزي والمحاسبه 2 نزلت ؟
يالله صباح خير " ههههههههههاي
والله تجيني ايام اقول ماله داعي ادخل المنتدى اوضاع الأعضاء بخير ماشاء الله
بس قلبي يوجعني ولازم ادخل يوميآآ لو دقيقه اشيك ع الوضع
ولازم الاقي شي
وش فيكم ؟؟ خير ان شاء الله عسآ ماشر ياجماعه الخير ""
هالموضوع بأنقله لقسم المحذوفات بس ابي الكل يدخل ويقرآ وش بقول وعقب بشيله "
ما بأقعد ارسل رسايل خاصه لكذآ عضو وعضوه هنا واتفاهم معاه "
كلامي الي بقوله عام للكل "" ماراح اخص احد "
الرجال سأل في واجبات ولا لأ " ماسب احد ولا تكلم ع احد ولا قال شي يخليكم تردون عليه كذآ "
مدري وش بيصير لو قلتو له لا " او تقولون في موضوع مثبت للواجبات ادخله وشيك "
يمكن لو قلتو له يا يا فلان مانزلت ان نزلت بتشوفها بتنقلب الدنيآ وبيصير ذبح ومذابح ؟؟
لازم من فتره لفتره نقاشات حاده بينكم مدري وش الرجآآء والمغزى منها ""
بأرجع واعيد للمره المليون " الي حاب يرد برد لائق يتفضل والي ماوده يكتفي بالنظر فقط موب لازم يرد ع اي موضوع ""
دام ردودكم كذآ وش مستفيدين احنا داخلين منتدى نتعلم من بعض ونستفيد ولا تنهاوش ونشيل بخاطرنآآ ؟؟
المهم "
انا هالأسلوب مايعجبني
كلنا نعرف نكتب ونقول ونلمح بطريقه غير مباشره ( مثل ) - الكلام لك واسمعي ياجاره -
فاهمين هالحركاات وعارفينهااا "" وصارت قديمه بعد
بس ليه نسوي كذآ ؟؟ الواحد يرتقي بإسلوبه وكلامه وطريقته وتفكيره " عشان يكبر بعيون الناس والكل يحترمه ويذكره بالخير "
صح ولا لأ ""
استهدو بالله واعقلو انت وياها لا اعضكم كلكم 
خلونا حبايب وحلوين واخوان ""
خلصنآ يلا التهو بمذاكرتكم افضل مابقى شي ع الإختبارات " 
|
|
التعديل الأخير تم بواسطة ǺĽ ẕeeห ; 2011- 4- 15 الساعة 04:01 AM
|
|
|
|