|
رد: حـوار بـيـن البـنـات والشـبـاب هـــااام للمشــاركـه ..
مــا حصـل الا كل خيــر .. وبالنسبه لـ نقاش قلب الاسد مع همي اشيل همك تظل وجهات نظر
انا بعلق على نقطه مهمـه جداً جداً .. وقد ذكر البعض شيء منها خلال الردود السابقه
الحين إقدام المجتمع السعودي على جعل المرأه تسوق يعتبر قرار جريء جداً وقد يكون أكثر عمل جريء يحصل منذ تولي العهد السعودي للحكم : )
تتوقع النقله النوعيه لما ان الواحد يشوف المرأه تسوق وش بينتج بعدها .. اقرب شي ولضعاف النفوس راح يكثر كشف الوجه وهذي أول نقطه راح تسفر عن سياقة المرأه للسياره .. الكثير يعلم عن الفكر العلماني المتواجد وفيه فئة من البنات ماخذين رخص قياده من قطر والامارات وغيرهم وينتظرون بس القرار ويا قلب لا تحزن
اقتباس:
|
ولكن قال لهم الله (( وقرن في بيوتكن ولا تبرجن تبرج الجاهلية الاولى )) .. اي ان مكان المرأه بيتها ومن طبع المرأه هو الاستقرار في بيتها .. ولكن للمرأه حوائج كإنسانه .. ولكي تقضي حوائجها لابد لها بأن تخرج لها .. ولكي لاتفتن الذكور .. لابد لها الالتزام بحجابها وعدم التبرج والتزين ..
|
قلب .. البلد راح يسلك منحنى ثاني لـ كثرة النساء والفتيات ولن يقتصر على فئه دون أخرى ممكن البعض يحشم اهله لكن فيه ناس عندها الوازع الديني بالسالب 
ولا تستبعد انك تشوف السعوديه شيئاً فشيئا تنقلب موازينها ونشوف ظواهر أكثر رواجاً مِن قِبل المرأه وهو ما سينتج جراء التغير الكبير ونحن فعلا في غنى عنها .. يعني أنت تتكلم ان المرأه المحتاجه هي فقط اللي تسوق .. طيب هل فعلا المرأه المحتاجه او اللي ما تسبب فتن على قولك بحشمتها هي فقط اللي بتركب السياره ؟!! [ اتحدى ]
هل غطاء الوجه هو من سيكون سائداً في الدوله ؟!! هل الكثير من الفتيات واللاتي سيأخذن نهج السواقه لديهن سيلتزمن بالحشمه ؟!! .. ما قد يصيب فطرة الإحتشام لدى الفتاة السعودية ؟!! وانا لا اعمم ولكن ما سيحدث لفئة كبيره منهن ؟!
...
اقتباس:
|
عزيزتي .. انتي ادرى مني بأن المرأه الان مسموح لها بأن تخرج بطاقة الاحوال .. وملزومه ايضا باخراج بطاقة جامعيه وبها صورتها .. وعند السفر للخارج لابد لها من جواز سفر وفيها صورتها ...
|
قلب توه شيخ متكلم عن إستخراج البطاقة الجامعية لـ الطالبات وأنكرها اشد انكار والموضوع موجود في حال اردت قراءته وقال ان نظام البصمه أفضل و أكثر حفاظا لأعراض الناس .. ياخي انا ما اقدر احتمل تطيح صوره لأختي او قريبه لي ويشوفها حد ؟!! فما بالك يجي رجل المرور ويطالع صورة من صور محارمي ..
فيه قصه قايلها شيخ وربي انها تزن في اذني .. يقول هو كان في مطار نيويورك وكانت قدامه إمرأه وكانوا عند الشباك اللي يعطونهم فيها الجواز ويتم فيها كشف الوجه للتحقق من الهويـه [ كانت بنيويورك ومتغطيه ] : )
المهم هي قالت انا ابي الموظفه اللي بالجهه الثانيه تجي وتتحقق .. وهي تكلم معه بالإنجليزيه طبعاً .. الموظف أنكر هذي الحركـه منها وقالها لا بتفتحين وجهك وبتعطيني جوازك وكأنه يقول وش هالتخلف .. طبعا زوجها كان بيخلص اجراءاته بشباك ثاني .. وصلت السالفه الى مدير المطار الدولي وحضر وعرف السالفه وقال لزوجها اللي تواجد جنبها .. نحن نحترم الناس الذين يعتزون بقيمهم ومبادئهم جداً وسيتم معاقبة الموظف
الموظف عملوله إخلاء طرف لتسببه بإزعاج المرأه المسلمه العفيفه وعدم الخضوع لرغبتها وعدم إحترامها !!
وطبعاً الغرب ما خذ فكره سيئه عن النساء المسلمات او العربيات المسلمات بالأصح ولكن يبدو ان مدير ذاك المركز الدولي اثارت اعجابه القضيه وتصححت مفاهيمه عن المرأه حين علم انها ومن نفسها لا ترضخ إعتزازا وليس إجبارا من زوجها !!
اقتباس:
|
بالأمس كان بيني وبين احد الأخوة نقاش عن هذا الموضوع وقال لي .. إن المرأه متخلفه .. باتكلم بالعاميه . يقول (( ان الحريم العن من الرجال . ولو تعطيهم شي على طول يفسدون زي الجوالات . اي واحده معها جوال تلاقيها تكلم شباب . ولو اعطيتهم سياره تلاقيها بتطلع عشان تقابل خويها . عشان كذا مابنعطيهم الشي اللي يفسدون به )) ياليت البنات يردون على هالكلام ..
|
يفترض ما تنقل حواره البالي والفاسد بتعميمه ورؤيته الدونيه عن المرأه !! .. يقولون صلاح القلوب يخليك تشوف الجانب الصالح في الناس لكن فسادها والله المستعان ينطمس عنك الخير والصالح عن تلك القلوب 
...
وعلى كل انا رأيي واضح تماماً ولست لأستطيع الإقتناع الى الآن ولست انت مجبر يا عزيزي بـ الإقتناع
فـ وجهة نظرك قد تفيد فئه قليله ولكن لها مفاسد عظيمه اظنني ذكرتها بهذا الرد .. !!
ومن ثم في سالفة [ السواق ] من قال أن الكثير يجعل الخلوة بين الفتاة والسائق !! على العكس تماماً لا خلوة أبداً ولم أرها في محيط الأسرة ولا حتى في محيط بيئتنا عزيزي .. ولكن هنالك شواهد وليست بكثيره
والوضع يظل على ما هو عليه افضل من الإقدام على مصير مجهول يحفه الكثير من المخاطر ..
ولا عدمناك 
|