اللي مو عاجبه وضع الكليه وحاس انه عمرها ما راح تتعدل الله يخليه يقدر يروح للوكيل ويسحب ملفه ويسجل في أي كليه ثانيه مليان الكليات الخاصه
الحمدلله حاليا هذا الترم الوضع في جدة 100% والدكاتره 100% والتعليم 100% والمعامل كلها مفتوحه ومجهزه 100% ايش تبغا اكثر من لمن يكون طالب غائب يحددله الدكتور موعد فالمساء يرجع يشرحله كل اللي راح عليه
وحتى اذا كان الكل حاضر وفي اشياء ما فهموها يرجع يعطيهم محاضرات في اوقات فراغه عشان يشرحلهم الامور ويوصل المعلومه
aag انت صدقت في كلمه وحده صراحه مره شدت انتباهي
ان الغلط من بعض الطلاب
الغلط من بعض الطلاب اللي ما يعرفوا يتفاهموا مع الدكاتره ولا يجوا يكلموهم اذا ما كان التدريس تمام
يقعدوا طول المحاضره ساكتين وهم مو فاهمين شي وبعد المحاضره يجوا المنتدى يقولوا التدريس ضعيف والدكاتره ضعاف
دام ما فهمت ولا ما شفت الدكتور اعطاك المعلومه المناسبه ليش ما تتكلم معاه وتقله
ترا من حقك تعترض على الدكتور اذا ما وصلك المعلومه صح وتجيبه عادي تقله يا دكتور ما وصلتني المعلومه من الشرح بعد اذنك عدلي الشرح مره ثانيه وثالثه ورابعه عادي
وعندك الاوقات المكتبيه تقدر اي وقت فيها تراجع الدكتور في مكتبه يشرحلك اي شي تبغاه
ما اقول اللا الله يصلح الجميع ولا يكثروا فلسفه والغلط منهم