ياويل قلبي كل مااشتقت لقياه
وشلون ماتشتاق عيني لعينه
[k]
أنا أدري إني حيل أحبه وأهواه
وأنا أدري إن القلب صار بيدينه
[k]
أموت أنا به في غيابه واحياه
وشلون أجل لو صافحتني يمينه
[k]
حاولت أنا اكتم عبرتي يوم فرقاه
وألملم جروح الزمان الطعينه
[k]
واعطيه من قلب المعنّى معاناه
وآخذ من جروحه ولو هي دفينه
[k]
وأضيع به في زحمة الناس وأنساه
وأنسى معه ذكرى السنين وحنينه
[k]
لقيت نفسي كل ما حل طرياه
عروق قلبي كلها تقول وينه
[k]
يامر على قلبي ولا شك ينهاه
كلي أنا تحت الإشارة رهينة
[k]
ما كل من يضحك سعيد بدنياه
وما كل من يبكي دموعه حزينه
[k]
أحدن بكى والكل يدري عن بكاه
وحدن مع الضحكه تحس بونينه
[k]
ياشين فرقى الحب وياشين بلواه
والمشكلة دنيا بلا حب شينه
[k]
والزين ما يكمل ولو كان ماحلاه
إلا حبيبي ماتغيّر بزينه
[k]
ماجيت أسولف عن حلاه ومزاياه
يكفي أحاسيسي وقلبي عارفينه
[k]
كن الفضاء في غيبته ضاق مسعاه
وكني غريقٍ ينتظر له سفينه
[k]
شف دنيتي ياصاحبي عقب فرقاه
مثل الظلام اللي حصل بالمدينة
[k]
باكتبه أنا في صفحة الشعر واقراه
وباذبحه بزود الغلا دون سكينة
[k]
وبارسمَه في لوحة الشعر وانعاه
وبادفنَه بين الضلوع الحنينه
[k]
بوسط الحشا في داخل الصدر مثواه
إما يسار القلب وإلا يمينه
[k]
ممآ رآق لي[k]