من طبعي ارد الإساءه { بالاحسان }
وأساير ظروف الزمان الأليمة ..
وأطوف الغلطه من { أفلان .. وفلان }
يعني من أجل { عين } تكرم مدينه ..
الكامل الله والخطا طبع { الانسان }
والدرب يفرق عن يساره ويمينه ..
و { الصاحب } ا للي له معزه وله شان
ان جاني بشينه .. تذكرت زينه ..
اتحمل اخطاءه معي { قدر الأمكان}
من جانبي تبقى العلاقه متينه ..
مادامني مسلم وفي قلبي إيمان
عمر{البحر } ماشال هم السفينه ..
مرت علي {انواع .. واشكال .. وألوان}
بين { العقول } الناقصه .. والرزينه
يعني اذا حاجتك { بيدين عدوان }
يكفيك شر المهزله .. والغبينه ..
من{ كثر ماجاني } من الناس خذلان
تحرجني حتى كلمة { الله يعينه }
صحيح لي { ربع .. وجماعه .. وخلان }
وأضيق لكن حاجة الناس.. شينه
الشخص دام انه بكل شي{ خسران}
تأكد انهآ من عمايل { يدينه } ..
من مرحلة { حب .. ومشاعر
اكتب شعر واعزف من { اشواقي الحآن }
واسلي قلوب الغرام الحزينه ..
ولو الشعر مخلوق في { هيئة انسان }
والله لأقول له تسلم { واقبل جبينه }...~