صحيح هجووم عنيف وفريد من نوعه في فترة أعتقد أنها خفت كثيير عن فترة طاش ماطاش وأظنهم هم اللي أججوا الفتنة أستغفر الله ياإني أكرههم وأكره وجيهم نفر نفر
وطبعا أبدا ماأكره الهيئة بالعكس أحبهم جدا أذكر مرة كنت بالرياض فمركز ترفيهي ومادري إذا ذكرت هالموقف قبل
المهم إن بنت خالتي كانت معي طبعا كلنا عبايات رأس ونقابات
أنا عن نفسي كنت منزلة الغطاء على عيني وكان شوي زحمة وشباب المكان وحنا بلحالنا نمشي "أهلنا موجودين طبعا في المركز" وبنت خالتي شووي واااسع نقابها المهم جاء واحد من الهيئة قال يـ أمي غطي عيونتس لايشوفها غير رجلتس وكان مبتسم
ع طووووووول نزلت الغطاء لأن أسلوبه مررة كان لطيف يوصل لقلب البنت
وكان يقول هالكلام لكل وحدة يشوفها والبنات ياحبيلهم ؟أغلبهم يستحون وتغطي عينها
وتجيكم وحدة برضو بمنتزة ترفيهي محافظ "قرية الثمامة" وتركب ألعاب بزارين وتصرخ وبكل وقاحة تروح للنطاطة بتركب والهندي الغبي يربطلها الأحزمة وهالأشياااء تستاااهل من يجرررها من شووشتها الوقحة في أماااكن ثااانية تستهبلين فيها وإذا جوها الهيئة وقالوا ياأختي انزلي الله يعافيك مايصلح ومن هالكلااام جلست تصرررخ وتقووول مااااالك دخل وأسلوب سوقي الحمدلله والشكر والهيئة بشــــــــر
وشيء برضو مهم يجيك واحد من الهيئة في القصيم الله يهديه ماااسك واحد مدري وش يسوي والناااس حولهم ويمسك وجهه ويقووول صورووه صوروووه ماكأن المفروض الستر على المسلمين
هذي النماذج القليلة اللي تسبب الهجوم ع الهيئة