:
يا متعب القلب قلي وش غلطاتيٍٍ
ان كنت انا اقدر اعدلهـا .. بعدلهـا
لاصرت تجهل عناء الدنيا .. وضيقاتي
من دون ماشرح لك اوضاعي تأملها
الوقت ضدي .. حرمني من ملذاتـي
والصد بعدك ذبح روحي .. وكملهآ
لا .. لايغرك كثير الصمت .. وسكاتي
خل المشاعر تقول ( الآآآهـ ) وإسألهآ
يسكني الحب .. واضح من عباراتي
وش عاد لجلك حروفي لـو أدللها
عذبني الشوق واسرفـت بخيالآتيٍٍ
روح ٍ تحبك دخيلك ليش .. تهملها
ياليتك إشوي تشعـر فـي معاناتـي
دنياك يمكن عليك تضيـق باكملهـا
الحزن كنه سفيري فـي علاقاتـي
والهم خيّم على حالي .. وطولهآ
اغديت دربي وتاهت فيـك خطواتي
كل المواعيد مدري ليش تجهلهآ
سنين أحاول وضاعت كـل حيلاتي
ماتدري أني ( حيـاة الـذّل ) مقبلهآ
لاجيتك أسال وادوّر فيك ضحكاتي
كنك تعمد بيديك اليوم .. تقتلهآ
لا تترك الظن يلعـب باحتمالاتي
الكلمه اللي تحزّ بخاطرك .. قلهآ
تعال شفني وحـس بحـال لوعاتي
كن الدقايق بدونك عام مطولهآ
متى التباشير بقدوم ( الغـلا) تاتيٍٍ
فرحة زماني بشوفـك مـا تخيلهآ
خلاص صبري تعـدى كـل هقواتي
اتعبت نفسي{ أعزيهآ وعللها
أبيك تنسى وتمسح كـل { زلآتيٍٍ
بعض البشر صعب مانقـدر نزعلهآ
والحين جيتك ابمسح كل غلطاتي
دنياي دونك وربي ماتحملهآ
::