رَســائـــل مـُـعـَـنـْـوَنـَـــهْ ..

الرسالــة الأولــى :

الأخـت / شرقاوية موووت

تسلمين على سرعة التجاوب والـرد على الطلـب ,

وتسلمين أيضا على التوضيـح بكل ما أجهلـه عن الأمور السابقه في المنتدى ,

وتأكدي إني أقدّر كل مبررات الإدارة ..

ولكن كيف يكون للتقييم قيمة و ميزة ونحن نجهل من أرسله ؟!!

تخيلي توصلج رساله رقيقة وفيها كلام طيّب في الجوّال ولكن الرقم مجهول وما تعرفينه ؟!!

الفضول راح يشغل بالج , و راح تفكرين وتقولين بينج وبين نفسج .. يا ربي منو اللي مرسل الرسالة ؟!!

مدري إذا الأمر محسوم عند الإدارة وغير قابل للنقاش ..

بس إذا فيه مجال .. يا ليت تساهمين إنتي والأخت I T A LI A N O في حل أزمة عند أغلب الأعضاء والعضوات .

الله يخلي لج دودي .. حاولي مره ثانيـة .

____ هـَــــمـْـــــسْ ______مـُـــدونــّـــات الأعــضـــــــاء______ الـحـُــــروف ْ ____

الرسالة الثانيـة :

الأخت / Jamilah ~♥

معلش .. السموحه .. التقييم مدري شنو صاير له !!

في السابق كان كريـم بس من يومين حاشته موجة بخل غريبـة !!

المهمـ .. فيما يخص الفزعـه :

الأمر مو مثل ما فهمتيـه ..

الفزعـة أحيانا تكون واجبـه و ضرورية , وهذا أمر مفروغ منه ,

وشخصيا .. لا آراها موجوده في قسم المدونـات , ولا في تصويت ( مسابقة أفضل مدونة ) ,

والدليل أن هناك بنات كويتيات صوتوا لـ مدونات آخرى ,

وبنات سعوديات صوتوا لـ مدونتي ,

والمسألة مو مستاهله من الأصل الحديث حولها وتشبيهها في تصويت شاعر المليون !!

وحتى اللي صوتوا من الكويـت ..

من الظلم وصف الجميع أنه جاي عشان يصوّت فزعه ..!!

عـ الأقل إحتراما لـ شخصهـم و قناعتهم و ذوقهـم ..