ملتقى طلاب وطالبات جامعة الملك فيصل,جامعة الدمام - عرض مشاركة واحدة - جميع التخصصات ياللي تبون المكرمه الملكيه تعالوا

الوردة المخملية · 2011- 4- 23

اقتباس:

مشكووووورة على الموضوع انا كنت بفتح موضوع مشابة بس دامك فتحتيه بتكلم هنا

اتمنى يا بنات انكم تخصصون فلوس و تتصدقون فيها على الموظفات في السعوديات اللي في الكلية
وانا اقصد فيهم المراسلات الكبيرات في السن اللي دايم تشوفوهم بين المكاتب يوصلون الاوراق
و بقول لكم عن موقف صار معي:
كنت طالعة عالبيت و كان كالعادة البنات زحمة عند الباب اللي يطلع عالمواقف فشفت وحدة منهم داخلة بوسط الزحمة تبي تاخذ شي من الارض انا رحت ابي اساعدها فكرتها طيحت اوراق مهمة موصينها عليها او شي
فلقيتها داخلة في الزحمة عشان ريال تصدقون
للأسف ما كان معي فلوس ساعتها بس من بكرة عملت حسابي دورتها وعطيتها
وخذتها ودمعتها خانقتها من الفرحة قالت لي كنك عارفة اني محتاجة للقرش ما انام الليل احاتي كيف ادبر عيشتي ودعتلي من كل قلبها مسكينة

والله يا بنات اني فرحت اكثر منها وفي نفس الوقت احتقرت نفسي و عيشتي و حمدت ربي اللي انعم وحسسني بنعمتة من غير ما افقدها

بنات الله يخليكم لا تنسونهم وتراهم معانا كل يوم في الكليه يعني ما تقولين بتروحين مشوار لهم و لا تعنين لهم

انكسر خاطري عليها من قريت كلامك

شلوون لو شفتها بعيني

الحمد لله والشكر يااارب

ناس محتاجه للفلوس اكثر مناا

الله يكون في عونهم