|
من حاول فك ضفائرها .. مفقود..مفقود..مفقووووود... ((الأدب))
بالنسبه لي هذا البيت ينطبق تماما على احساسي نحو مادة الادب ...
ومن يوم مانزل لها كم محاضره كنت اول ما افتح المحاضره الاولى يجيني هبوط وخوف واحساس عاصف (( بالوهقه ))
واسمع في مخي عبدالحليم يخوفني منها (( مفقود .. مفقود .. مفقووووود..))
فاتعوذ من ابليس واقفلها واقول بلاش احباط واخليها للايام .. يمكن ...
لكن لما الحلوه saudi girl  تفضلت مشكوره ودقت جرس الانذار بقرب الامتحانات وصحتني من قيلولتي اللي مصختها هالترم ...
دب فيني الحماس من جديد ورفعت درجات التأهب للماكسيموم وبديت باسم الله باول محاضره من هالماده ولقيت ان الترجمه الحرفيه من المستر google بصراحه ماتنفع ..
قلت مالي الا اني اترجمها بنفسي منها استفيد ومنها افهم المحتوى فعزمت وبديت والحمد لله
اممممممممممس وقعدت على المحاضره الاولى فقطط ساعتين حتى جائتني اغماءه من الoverdose قلت بكملها ان شاء الله اليوم .. وبصراحه طلعت اسهل مما تخيلت وممكن تنفهم بسهوله بس يبيلها اجتهاد شويه ..
لكن مواضيع محاولات ترجمة مادة الادب كثيره من الاعضاء والعضوات الله يعطيهم العافيه فقلت انا بعد ماراح ابخل على اخواني وخواتي بمجهودي وراح انزل مراجعاتي الدقيقه للادب في هالموضوع اول باول ان شاء الله واللي يحب يتابع معاي يا هلا والله وسهلا فيه ..
ولا تخافون من هالماده تراها منظر وبس 
يعني سهله وماتخوف باذن الله ...
.gif "(204)")
|