السلام عليكم ورحمة الله وبركاته
ياليت الاخوات الي ساكنين بسكن جامعة الملك فيصل بالاحسا
يفيدونا عن كيف حياة السكن ؟ وهل هي مريحه وينصح بها؟وكيف تأقلموا مع الغربه هناك
وايش الي يفضلونه التعليم عن بعد ودراسة نفس تخصصهم الي يدرسونه الحين وهم عند اهلهم
أو يفضلون حياة السكن ودراسه (الإنتظام)..وماهي سلبيات وايجابيات السكن
وهل فيه احد منكم دخل السكن وندم، وليه ؟وكيف تشغلون وقتكم بالسكن
هذي الإستفسارات اجوبتها جدا ً مهمه لي لاني افكر بالتحويل من كليتي " كلية التربيه بالجبيل"
وانا ساكنه بالدمام والمشوار طويل ومتعب واحس مافي فايده من ذهابي
لاني في احيان كثيره اذهب وفجأه الدكاتره يلغون المحاضرات !
ولايقدرون ان احنا جايين من الدمام وان اليوم كله يروح علينا من دون فايده
المفروض يعطونا خبر مسبق عشان نتغيب ونرتاح بالبيت...
(هذا غيض من فيض ) لكني احببت ان اعطيكم نبذه عن الاسباب
التي تجعلني افكر بالتحويل من هذه الكليه والذهاب لجامعة الملك فيصل
بالأحساء أو بالدراسه عن بعد في جامعة الملك فيصل ...
خصوصا ان التخصص الي ابيه
موجود في الأحسا...
وفكرت بخيار اتمنى تشاركوني رايكم فيه
اني ادرس ترم صيفي بالحسا واجلس بالسكن واشوف الوضع
مع انه يمكن مايعطيني صوره كافيه عن السكن لان اغلب البنات طالعين
(وانا اعرف صديقه لي هناك بالسكن يمكن ما تاخذ ترم صيفي
وانا احتاج من يعرفني على السكن واجلس معاه خصوصا بالبدايه)
ويمكن الترم الصيفي مايعرفني على الحياه هناك بشكل كافي
لانه يوم او يومين بالاسبوع ! والشي الثالث الي يخليني استبعد
ان اقدم بطلب زائر (الترم الصيفي هذا ) اني ما افكر اجلس
ترم زياده بكلية التربيه بالجبيل..اريد ان احسم الموضوع
بالأيام القلائل ... اتمنى كل وحده تدخل تقول لي رايها
حتى لو كانت مو من طالبات السكن ... ارحب بارائكم
والله يحفظكم ويرعاكم
اسئله عن الجامعه نفسها :
هل الكليه بما تقدمه من مقرارت وبما تحويه من دكاتره
تستحق التحويل؟هل اكل الكافتيريا نظيف؟هل الدكاتره بشكل
عام متعاونين ؟ هل الأسئله سهله ؟هل خطط التخصصات موجوده
وأكيده مائه بالمائه ولا كل يوم يجيبون كلام وكل يوم يقفلون
مسار ويفتحون مسار... كيف مبنى الكليه من داخل؟
هل التربيه العمليه (التطبيق) يتم اجباريا في مدارس الاحسا
او يخيروني باي مدرسه اختار حتى لو كانت في الخبر ؟؟