الى متى استغفال الناس
انا ودي افهم شي واحد بس!
الحين شركات الاتصالات عموماٌ
لو صارت لكـ مشكلة معهم
لمن تشتكي!
ومن يأخذ بحقك لو كان بسيط
يعني سرقة الهللات اللي يأخذونها
اخر الليل وانت نايمٌ
يعني مسوي ذكي الحين!
تحسبني نايم هههه
تراني صاحي يوم تسحب رصيدي:/
وغيره وغيره..
طيب تتصل على خدمة العملاء
يزرعك ربع ساعه ولاآكثر
يقولكـ مشغولين
طيب بما انكم شركة كبيرة
وعليكم ضغط
ليه ماتكثرون الموظفين
ليش مايكون فيه زيادة عدد بالموظفين
عشان تقدر تخدمـ المواطن بالشكل المطلوب
وبالسرعة المطلوبة
ليش اذا تبون الواحد يشتري منكم سويتو
عروض وزحمه واغرائات
وبعدها تسحبون عليه هههه
من غير الرسائل الدعائيه
اللي تجينا كل يوم بشكل مزعج
والمشكلة
لمن يرسلون لك رسالة مثلا
اشترك بالخدمة الفلانية ويقولك فوايدها وفيها وفيها.
طيب ! وضحت لي
الخدمة وطريقة الاشتراكـ
ليش ماتوضح لي طريقة الغاء الاشتراك!
ليش الاشتراك سهل بمجرد رسالة
والالغاء صعب ولا حتى مية رسالة
بعض المشاكل اللي صارت لي منهم :/
بيوم من الايامٌ
شريت الاخ بلاك بيري
طبعا ماحبيته ابد ابد
مجرد فضول وحب استطلاع
المهم
اخذته وعبيته تخبرون ميه عشان تفعيل الخدمة حلو 
يومين بس جلس معي هالجهاز
ورجعت للمحل وبعتهٌ
نسييييت الغاء الخدمة
المهم مرت الايام
بعد شهر
طوط طوط < طبعا هذي نغمة رسالة بجوالي ههه
نص الرسالة:
"تم تفعيل الخدمة ونشكرك بتاريخ كذا وكذا ستنتهي الخدمة "
وانا اللي افتح عيوني @@< طبعا ماهي عيوني هذي ههه
المهم
وش خدمته وش تشكرني بعد
جعل ماني قايل
ساحبين مني مية ريال قسسسسم توني معبيها
اول ماعبيتها جتني رسالتهم :/
قلت يلا حسبي الله عليهم
انا مخطي ماآلغيت الخدمة
رحت وسويت الغاء للخدمة
.
اقولكمُ وش صار بعد شهر آصبرو
طبعا تقول ليه مااتصلت عليهم ومن هالكلام
عارف الرد بعد مايطفشك نص ساعة انتظار
تعال معي
هذي مكالمتي مع الاخ موظف الاتصالات
رفعت السماعة وانا معصب 
طووط طووط
وانا اللي اجلس 15 دقيقه انتظرهم يردون
الموظف: السلام عليكم فلان الفلاني كيف اقدر اخدمكٌ
انا : عليكم السلام . اخوي انا ابي افهم بس
ليه كل ليلة تأخذون مني 40 هلله
هههه
وآجلس اسرد له المشاكل اللي مطفشتني
آبيك تلغي كل الخدمات
حتى كنترول جوال هذي اللي نشبت لي
كل ماآلغيها تجدد نفسها كل شهر
حرام ياخوي
الموظف: والله ياخوي مو من عندي تقدر تلغيها برسالة
انا: ارسلت ياخوي مية رسالة ويجيني شكر وتم الالغاء
وبعدها يجيني شكر وتم التفعيل هههه
الموظف: خخخ
انا: نعم؟<< حقدت عليه 
الموظف: لا آبد سلامتك بس الغاء الخدمات
مسج بس
انا: طيب الله يسامحكم
سرعة التفعيل وبطء بالالغاء
جد حرام
الموظف: اي خدمة ثانيه اخوي! < مسوي خدمتني الحين؟
انا: لاماقصرت كفيت ووفيت.
الموظف: شاكر لك اتصالك خلك معي احولك للتقييم
وانا اللي اقول بيني وبين نفسي
وش تقييمه الله يرحم والديكٌ
ياخسارة الانتظار ربع ساعة بس
وانا اللي اضغط بالتقييم سيء هههه 
يستاهلونٌ
طولت حيل هالمرة ادري
بس حبيت افضفض شوي
تخيلو عندي خدمة لها سنتين ماقدرت الغيها
حقت ابواب
تجيني كل ليلة رسالة منهم وكل ليلة
يأخذون40 هلله
تخيل سنتين وربي
بكل الطرق حاولت الغيها ماقدرت
لدرجة اني نويت اكنسل رقمي والسبب هالرسالة
وياليتها تستاهل
صح نسيت اقولكم
بعد شهر جتني رسالة
" نأسف لانستطيع تجديد خدمة البلاك بيري رصيدك غير كافي" << هههه فشلة صح
وانا اللي انبسط قلت جعلكم دوم ماتقدرون.
وللحديث بقيه
مودتي للجميع ولمروركم العطر 