.،؛،.

رابع نقطة هي شرح بعض الخانات الموجودة في الجداول:

فيه خانات أساسية موجودة في كل الجداول لازم تنتبهين لها وانتي ترتبين جدولك،
وحاولت اني أكتبها حسب الأهمية والأولوية :

أولاً : خانة "متاح للكليات" لازم يكون فيها رقم "74" لأنه هو رمز : كلية الآداب
يعني أييييي مادة مافيها هالرقم اعرفي من البداية انها مو لك ،
ممكن بعض المواد تشوفين فيها 74 وفيه أرقام ثانية معك ، هذي عادي خذيها..


ثانياً: خانة "متاح للتخصصات"
طبعا هالخانة تختلف من طالبة إلى طالبة حسب التخصص اللي هي فيه ..
وانتبهوا ان الخانة ممكن يكون فيها أكثر من رقم ، يعني انتبهوا واقروا كل الأرقام ..
والأرقام هي :

"7435" = الآداب العام >> هذي تلقينها عند المواد العامة ..
"7401" = تخصص الدراسات الإسلامية
"7402" = تخصص اللغة العربية
"7403" = تخصص اللغة الانجليزية
"7404" = تخصص التاريخ
"7405" = تخصص الجغرافيا والنظم الجغرافية
"7406" = تخصص علم الإجتماع والخدمة الإجتماعية


ثالثاً : خانة "المتطلبات السابقة"
هذي ضروووووووووووري تنتبهون لها >< لأنو لو سجلتي مادة فيها متطلب انتي مادرستيه ترى ماراح يقبلها البنر..
طبعا عادة بتكون فهالخانة أرقام حالها حال الخانات اللي قبل ؛ انتي اضغطي على الرقم وبيطلع لك اسم المتطلب السابق للمادة ..

وهذي بعض المواد العامة اللي فيها متطلبات :
اللغة الإنجليزية العامة (متطلب) لـ اللغة الإنجليزية قراءة + اللغة الإنجليزية كتابة
النحو التطبيقي1 (متطلب) لـ النحو التطبيقي2
مدخل إلى تقنية المعلومات (متطلب) لـ برامج الحاسب المكتبية
برامج الحاسب المكتبية (متطلب) لـ الانترنت والاتصالات
الانترنت والاتصالات (متطلب) لـ قواعد البيانات /أو الشبكات


رابعاً : خانتي "ساعات" و "شعبة" :
انتبهي لعدد الساعات لكل مادة ورقم شعبتها ؛ ودقققققي على رقم الشعبة ،
لأنو مثلا "اللغة الإنجليزية العامة" أساسا في الاسبوع الواحد 4 ساعات ، يعني محاضرتين ،
وهم في الجدول كاتبين جنبها ساعتين ، طبعا هذا عشان يوضحون لك وقت المحاضرتين..
يعني بتلقين نفس رقم الشعبة ونفس الـ CRN مكرر مرتين تحت بعض ..
وطبعا لازم تسجلين في نفس الشعبة ..
مثلا : شوفوا في الجدول في اللغة الإنجليزية العامة شعبة 30 موجودة يوم الثلاثاء من 11:15-12:55
وتحتها بالضبط نفس الشعبة 30 بس يوم الأحد من 9:30-11:10 ، وثنتينهم لهم نفس الـ CRN


خامساً : خانة "أيام" :
طبعا هم كل يوم حاطين له رمز وهذي إن شاء الله انها واضحة .. وهم أساساً حاطينها في موقع الجامعة ..
هذا الجدول يوضح رمز كل يوم :

سادساً وأخيراً : خانة "CRN" :
هذي أهمممممممممممم خانة تحتاجينها في التسجيل على البنر ..
إذا ألحين شفتي المادة وناسبك وقتها ويومها وقررتي تسجلينها عندك ؛
أهم شي احفظي رقم الـCRN وهو بيكون مكون من خمس أرقام..

وبقولكم حركة بسيطة تسوينها إذا رتبتي جدولك تسهل عليك التسجيل عالبنر
إذا رتبتي جدولك افتحي لك "مفكرة" وانسخي كل أرقام الـ CRN اللي بتدخلينها وخليها تحت بعض عشان ما تتخربط،
وإذا فتح التسجيل عالبنر على طول ابدي انسخي رقم كل مادة من المفكرة والصقيها في البنر ..
وبكذا تستغلين الوقت وتسجلين موادك بسرعة وبدون حوسة

هذي أهم الخانات اللي موجودة في الجدول ..

يتبع ...

.،؛،.