|
رد: مـرت سنـﮧ والعين يـعشقهـآ الـسهر ومرت سنـﮧ والشوق بآقي مآ انمحى
تقول الناس نفسي وش بلاها
وش اللي ع الشّقى منك حداها
و لا يدرون باللي متعبنّي
و عيني شاللذي كدّر سماها
انا اللي مهلكٍ حالي و ما لي
بشف اللي نبض قلبي هواها
كثير سنين ما كفت دموعي
مدامعها و روحي في رجاها
تقول الناس نفسي وش بلاها
قَضّيت العمر ساعه بعد ساعه
اناظر في السما تالي سناها
و اراقب زولها في كل طيفٍ
عساه يجيب الطاري نباها
تقول الناس نفسي وش بلاها
لهيب الشوق ياكل من ضلوعي
و ناري بالألم زايد عطاها
و انا و ان مت منها بلغوها
حياتي و البقيّه في هواها 
|