مين قال انتو مالكم
حبايبي طالبات سعود وخدمه المجتمع صرفو لهم
وبعدين ربي وحده شاهد قبل شهر تقريبا ام بي سي اف ام كانوو جايبين مقابله مادري وش اسمه للاامانه
وكانوو يتكلمون عن المكرمات وعن زياده الرواتب كلمتهم وحده قالت لهم انا انتساب
من اخر دفعه تربويه وانا نظام حكومي مو مطور والحين الانتساب فيه مطور وفيه لا مجاني
قال اختي تشملكم المكأفأه لانك نظام حكومي
اما المطور ماتكلموو عنه
بنات احنا لنا بس فيه ناس ماتخاف الله ولاترتجيه
بعدين مو تحقير في طالبات الانتظام انا شخصيا درست انتساب ونسبتي على فكره 92% لكن وقتها كنت ادرس دبلوم عالي وكان 3 سنوات ماقدرت احول
وهذا اللي منعني وبعدها مباشره توظفت في مدرسه خاصه
وهذا السبب اللي خلاني ادرس انتساب مو لاني كسلانه ولااحب الحضور او لاي سبب اخرر
ابي اقول شي واتمنى ماحد يفهمني غلط ولايفكرني متعصبه
احنا بنات الانتساب نتعب وربي يمكن نتعب اكثر من الانتظام
فيه مننا الموظفه
الام
متزوجه وعندها عيال
فيه مننا المريضه
مع ذلك نسال ونحضر ونأشر ولانحقر نفوسنااا
صديقه لي حاليا مصابه بشلل الاطفال ومع ذلك لااله الا الله وحده معدلهاا 4,11
وكل صديقاتي المنتظمات اشطرهم معدلهااا 2.55
بالعكس فيه مننا نخبات فيه مننا الشاطر والمهتم ابداااا مو معناته ان حن انتساب مانهتم
يمكن انظلمنا وتهمشنااا في نواحي كثيره
ولكن الحمدلله عزيمتنا قويه
ماعليكم شررر
نزلوو الخبر في الجرايد كلمو الصحافيين
كلمو العميده
ارسلو ايميل لوزاره التربيه والتعليم
انا سويت كل هالامور يوم كليتنا يخلون بنات الانتساب فقط يختبرون نهائي مادتين مع بعض
والله صرنا مانعرف وش نذاكر وش نخلي بعضنا انطرد لان معدله نزل
بس بسببه تعارض هالمواد
جمعنا 15 طالبه
دخلنا على العميده وتناقشناااا قلنا ليه وش معنى الانتظام تراعونهم يختبرون المحمول قبل النهائي
باسبوع وش معنى يعني
هل فيه قرار واحد من التربيه والتعليم ينص على ان الانتظام افضل من الانتساب في مراعاتهم في المحمول والخوف من تعارض المواد؟؟؟
والحمدلله هذا سياسه كليتنا تغيرت بعد ماكتبنا في الجرايد
فانا انصح الكل يتعاون
الحمدلله عيننا مليانه وكلنا شايفين خيررر
لكن ابسط حقوقنا بنطالب فيهاااا
واقلها نبي مكأفأه
مو عيب ولاحرام
اشكركم جميع وربي يوفقكم ويسهل عليكم