-
يابايـع الحلـم لـ الواقـع علـى فكـره
حبّـك قبـل لا أتعلّـق بـه / تناسيـتـه
عشـان بعديـن لاغبـت وبـدا ، ذكـره
ما أضيق ، وأقول انا .. وشلون حبيتـه ؟!
الحب .. بأول نفس لـو حـسّ بالسكـره
مع .. كل نسمة هـوى تسمـع تناهيتـه
كـم بيـت لـعيونـك الثنتيـن مبتـكـره
والناس .. تسأل تقول : البيت من بيتـه ؟!
( وجيه الأيام ) لـو تضحـك لنـا عكـره
والحلـم .. ماينتحقـق ، لـو ترجيـتـه
ولو لـ الفرح درب .. ماكان الحزن ، حكره
أخـذت .. مُجمـل أحاسيسـي ومريـتـه
إنسان أواصل وأفـارق وأعشـق وأكـره
مامت ... لو مـا أحقـق / مـا تمنيتـه
إن طاح من عيني اليـوم الرجـا ، بكـره
وإن طـاح بكـره .. تبسّمـت وتعديـتـه
حتى أنت .. إذا ودك تفارق ، علـى فكـره
ما أنت أول إنسان ( خلانـي وخليتـه ) !!
::