|
رد: سجل حضورك اليومي بكتابة بيت من الشعر
القلـب فـي نـار المحبـه فـداوي
اما أحترق وإلا انقطع فيـه معلـوق
قلبٍ كواه مـن المضانيـن كـاوي
بين الضلوع اللي على القلب من فوق
وأنا اشهد ان الحب بلوى البـلاوي
كم واحدٍ قلبه من الحـب محـروق
يا زين ما ترحم وتعطـف وتـاوي
في من فقد عقله بعد هـزه الشـوق
مالـه مجيـب ولا طبيـبٍ يـداوي
مستوحشٍ كنـه مقفـل بصنـدوق
من عقب حيٍ راح كنـه خـلاوي
ما كن يمشي وسط الاسواق مخلـوق
يا زين والله مـا تفيـد الشكـاوي
الرابح اللي مالـه اليـوم معشـوق
لو المنـاوي تنفـع أهـل المنـاوي
ما صار في قلبي حـزازات وفلـوق
اليوم صرت من التفـرق شقـاوي
حالي قضى و اللي بقا دم وعـروق
واليا ذكرتك يـا عيـون النـداوي
اخذت لي مع هجعت الناس طـاروق
على فراق الشمـل مانـي بقـاوي
غصبٍ علي وكل مطرود ملحـوق
لا بد بعـد البعـد جمـع متسـاوي
ويصفي غرام اللي لهم فالهـوى ذوق
وارعى الحيا حيث ان قلبي حيـاوي
واخاف كرسي الحشا يلحقه عـوق
يا عود ريحان علـى الحـوض راوي
يزرق عليه مـن ازرق الجـم زاروق
وان هزه النسنـاس ريحـه عـذاوي
واللي عليه ابواب ماهـو بمسـروق
والرمش فوق محيجر العيـن ضـاوي
ليلٍ سرا في جانبـه رعـد وبـروق
يا زين ما ترحم وتعطـف وتـاوي
في من فقد عقله بعد هـزه الشـوق
القلـب فـي نـار المحبـه فـداوي
اما أحترق وإلا انقطع فيـه معلـوق
</b></i>
|