من باب جلّد الذات يامَرْكَب التَيـه ,
خِذْني.... بَلا تحديد وِجْهَه وعِنوان ..
خِذنْي... مسافِر كل الأوطان تنفيه
زاده شعرِ والأمتعة شَنْطَة أحـزان
خذني رجل مبدأ... تخونه مباديـه
في حضرة السلطان ساقوه قُربـان
خِذني وطَـنْ ضاقَتْ حدوده بأهاليِه
خِذْني وطَـنْ مهجور مافيه سِكِّان
خِذْني فِكِـر مسجون ومكِبّل إيديه
تبكي له الجدران..وِتْغِيْظ سِجّـان
من ضِيْقتي.. ضاق الخليج وْمرافيه !
يانِعْمَة النسيان... محتاااااج نسيان
نسيان واقع كل ما احاول ارضيه
يشوفني مجنون جدااااً وغلطـان ..
والبَحْر مَنْفى الروح يا مرْكَب التَّيـه ..
خِذْني كذا.....وِبْدون دَفّـه وربـَّان ,