بعد الغياب وبعد عدة اسابيع
وبعد العتاب وبعد فترة قطاعة
جتني تقول ارجوك يكفي مواجيع
جتني واهي تطلب تقول الشفاعة
قالت انا اللي مت من دون تشييع
وزاد البلا بالقلب وزاد اتساعة
قلت اسكتي يا بنت يكفيك ترقيع
كرهت انا هالحب ولالي مناعة
وانهيت هذا الحب ولافيه توسيع
وهذا الكلام ارجوك لازم سماعه
جيتك انا يابنت طيبن وتشجيع
والا اللي مثلي ماتساوين قاعه
وطبعي اذا حبيت يابنت مابيع
ولاهجر ابد خلي ولو كان ساعة
وانتي خيانة حب ولابد توديع
ولابد من يومن يلاقي وداعه
من نشرة اخباري ترى القلب بيذيع
حبك وحبي يا حبيبي اشاعة
ودفتر غرامك بس يحتاج توقيع
واول شروطه مستحيل الشفاعة