|
رد: هام للجميع كيف تعرف عدد مشاركاتك بمنتدى الحوار وكم درجتك ( مطلوب مشاركة الجميع )
اقتباس:
المشاركة الأصلية كتبت بواسطة المنفذ
مع التحيه
والله يعطيكم العافيه
وعموماً اخواني الكلام كثر بين من يقول 14 مشاركه ومن يقول متوسط عدد المشاركات
وأحب أقول للي مقتنع انها 14 مشاركه
أحرص على الا تكتب اكثر من هاذا العدد
ولو كتبت أكثر فأعلم ان الله سيعاقبك ( بإذن الله لإنك طلبت من اخوانك شئ وفعلت انت شئ أخر )
وأحب اقول للي مايريد الا كتابة هاذا العدد
لا تشغل نفسك خلاص اذا انت مقتنع فماعليك
لاتتوقع ان موضوعي هاذا رح يغير شي لإدارة الجامعه
خلك على قناعتك ونام على الجنب الي يريحك
وأحب أقول للي يتوقع ان الجامعه تريد متوسط المشاركات
أستمر بمشاركاتك ولاتهتم لكلام ( المهملين )
فهم لو كانوا يريدون الخير لك لما حاولوا اقناعك بعدم زيادة المشاركات لتكون مثلهم
يعني هم يريدون يكتبون الي يعجبهم
ويريدون الجميع يكتبون مثلهم
لا ياعزيزي اكتب واجتهد فنحنى ندفع اموال وجهد ووقت ( وسمعه امام عوائلنا وأعمالنا )
فلذا يجب ان نكون بإذن الله متفوقين ونبذل كل الجهد لذلك
وموفقين جميعاً ( الناصــــــــــــــــر ) |
أنا ماحاولت أقنع أحد ولا أفرض رأيي عليكم مجرد نصيحة من شي أنا متأكدة منه ومارة عليه
ترى احنا كنا قبلكم وجربنا كل هالمعمعة وبالاخير ماكان مطلوب غير الـ 14 مشاركة
الترم اللي راح مازدت عن هالعدد وهالترم بعد
انتو مستوى أول طبيعي القلق والتوتر لكن اسأل أي أحد من المستوى ثاني وطالع
أتحدى أحد يقول لك شارك بأكثر من 14 مشاركة شوف قسمنا والله مرتاحييين ومحد جاب طاري هالموضوع أساسا لاننا صار بالنسبة لنا شي مفروغ منه
أصلا والله مستغربة ليه ماجا أحد منهم للحين ونبهكم
وانت تقوول اني أبي الكل يسووي مثلي عشان ماأنقص لوحدي ؟؟؟ هذا مقصدك
ياأخي أنا من مستوى ثاني فاشلوون بتأثر علي مشاركاتكم أو مشاركاتي بتأثر عليكم؟؟
كل مستوى له نطاق معين بالبلاك بورد فلاتقلق من هذي الناحية
فقط هي نصيحة أردت إيصالها ماهان علي تمروون بالضغط اللي مرينا فيه وبغيت أخفف عليكم والله من وراء القصد
لكن مثل ماقلت كل واحد ينام عالجنب اللي يريحه وبالاخير الله يوفقنا جميعاً 
|