يابنـت ماكلـن لقـى ماتمـنـاه
والحظ ماعمره حضر قبل اوانـه
ودعت حبك مابقـى غيـر ذكـراه
حب(ن) تغـذى بالوفـا والامانـه
الشوق والهفه هي اجمـل بدايـاه
والخاتمـه ياخلـق ربـي خيانـه
عزي لقلب(ن)حبك بصـدق عـزاه
حب(ن) عظيم وعاليا(ن)بالمكانـه
انت الوحيد الي اذا غبـت اسـلاه
وانت الذي هليت دمعـي عشانـه
تدري اناالـي بالعطـا مـد يمنـاه
وانا الـذي لجلـك غدابـه زمانـه
سهل(ن)علينا الحب والصعب ننساه
وانا محال ارضى تـرى بالاهانـه
وشلون ابسمح يابشر واطلب ارضاه
كيف التسامـح والخطيـه خيانـه