تـعـلـيـــق عــ الـتـعـلـيـــق ..

اقتباس:

الله يرحم حالهم هالبنيات , !! والله ما ضيعهم إلا هالشباب )= والروايه تافهه حد النخاع لا تمت لـ مجتمعنا بأي صلة سوى إن كاتبتها نـُسبت الى هذا المجتمع

الكلام أعلاه لا أعلم من أرسله لي .. دخلت المنتدى و لقيته في التقييم ,

الأكيـد إن اللي أرسله هو بنـت , و هذا واضح من الدفاع المستميت الظاهر في حروف و كلمات العبارات ..


أولا ..

العذر والسموووحه من صاحبة التقييم على نشر تقييمهـا ,

لو عرّفتي بـ نفسج كنت رديت وعقبت على كلامج في مكان آخر .



ثانيـا ..

أحترم كل ما كـُتب في التقييم ,

و لا يعني ذلك إتفاقي الكامل معه , فـالإختلاف وارد و هذه سنة الحياه .



ثالثـا ..

الله يرحم حال الجميـع .. البنيـات و الشباب و العجايز و الشيبان و الأطفال و الطفلات .



رابعـا ..

صحيح فيه بنات ضيعهن الشبـاب , و لكن لا تنسين إن فيه شباب ضيعهم البنات ..!!

العملية متبادلـه , و لا يوجد طرف أفضل من طرف في عملية الضياع والتضييع .



خامسـا ..

سـؤال يطرح نفسه وبـقوة ..

بنت في السوق ما معاها أحد وكاشخه و لبسها كله إثارة , و اللي يشوفها يقول رايحه لـ عرس ..

والمنظر نفسه يتكرر بعض الفترات و أعتقد الأغلبية شافه و شاهده أو سمع عنه ..

تتوقعين محد راح يتحرش فيهـا ولا يقرب منها يغازلها ؟!!!

و فوق كل هذا تقول للشباب اللي يغازلونها : وخروا عني , يا قليلين الأدب , إستحوا على وجيهكم ..!!

يعني الشباب لو ما شافوا هالمنظر من هالبنت ما تجرأوا ولا فكروا يتحرشون فيها ,,

اللي مستتره و حاشمه روحهـا محد راح يفكر يقرب منها ,

لأن شكلها وهيأتها الخارجيه ما تسمح لهم بالإقتراب منها ,

ولكن المتبرجـه و اللي " تسرح و تمرح " لازم تفهم إن منظرها راح يجلب لها المشاكل والإستهزاء ,

تبي تكشخ و تتزين .. ما فيه مشكله .. لما تروح عرس أو حفلة بنات خلوها تكشخ على كيفها ,

تلبس اللي تلبس .. تتمكيج على كيفهـا , تسوي التسريحه اللي تبيها ..

ولكن في مكان عام لازم تحترم نفسها و تراعي تربيتها و أخلاقهـا و قبل كل هذول .. دينهـا .



سادسـا ..

بـخصوص كاتبة الروايـة " رجاء الصانـع " ..

فيه مشكله كتبت عنهـا في المدونه قبل فترة في فقرة ( ثقافة الإنتقـاد ) ..

مشكله إننا نقسم الأمور قمسين .. يا تكون معاي .. يا أنت عدوي ,

والمشكلة الأكبر من وجهة نظري أن ( الإنسان عدو ما يجهـل ) ..

الكاتبة ذكرت شيء موجود في المجتمعات الخليجية و العربيـة ,

لا تقولين لي إن اللي تكلمت عنه الكاتبه تأليف وماله أساس من الصحه ..!!

هو واقع .. يمكن ما يكون موجود في البيئة والمحيط اللي تعيشين فيهم ,

ولكن ثقي تماما إنه موجود في المجتمع الكبير اللي تعيشين فيه و يشاركج فيه الكثير ممن لا تعرفينهم .



سابعـا ..

تقبلـي كل الإحتــــــــــرام .