بسم الله الرحمن الرحيم
أسعد الله أوقاتكم بكل خير...
السلام عليكم ورحمة الله وبركاته
في البداية أود أن اعرفكم بنفسي أنا زميلتكم .,иō ρяoмєsis طالبة تربية خاصة مستوى أول
وأحب اتقدم بالشكر الجزيل لجميع أعضاء المنتدى وبالأخص الأعضاء المعطائين في تفانيهم بتقديم المساعدة لنا وتعاونهم معنا جعله الله بميزاآان حسناتكم إن شاءالله وأسأل الله لكم ولنا التوفيق
تمنيت أعرفكم بظروف أفضل من هالظروف لكن قدر الله وماشاءفعل..
أطلعكم على الوضع الي أمر فيه وأتمنى منك تقدير الظروف ووضعي وأرجوا منكم تقديم المساعدة لي باللي تقدرون عليه حتى أقدر اتجاوز الاختبارات على خير إن شاء الله تعالى
من أسبوعين توفى زوجي الله يرحمه.. الصدمه كانت جدآ كبيرة علي نفستي اندمرت حماسي للدراسه أنتهى بعد ماكنت مهتمه وطابعه كل المحتويات من المقررات الدراسية
طبعا ماقصرت المنتديات بتدمير نفسيتي من تنزيل صور الحادث واليوتيوب تصور الحادث ببشاعة المنظر وبحيرة الدم فساهموا بسوء نفسيت اكثر واكثر والحمدلله على كل حال والله العظيم أني مررت بألم نفسي ومعاناة وحزن مايعلمه الا الله سبحانه وتعالى ولكن بالأخير اقول الحمدلله .... موضوعي المهم
بالبداية فكرت اني أجل الترم لكن خلاص قربت الاختبارات ومابقي شيء ولو أجلت من أولها أدري ماراح أكمل عشان كذا ضغطت على نفسي وقلت أكمل.... اللي أبيه منكم ولاعليكم أمر
..واجباتي الحمدلله حليتها
..المناقشات للاسف حست فيها وماناقشت ولا مادة ولاعرفت لها مادري يمديني الحق عليها ولا لا؟
أحتاج احد يعطيني المناقشات كاملة لكل ماده
..الاختبارات هذي أهم نقطة بالنسبة لي أنا طبعت جميع المحتويات الموجودة بالمقررات الدراسية لكن هل هذا كافي أو لا .. الواجبات اذاكرها ولها اهمية أو لا ؟؟
بصراآاحه تفكيري مشوش ومازلت بحالة الحزن يعني احتاج توجيه مااقدر اجمع شيء الان لذلك احتاج مساعدتكم بهالخصوص
أخواني/أخواتي... أحتاج وقفتكم معي حتى أتجاوز الاختبارات فقط احتاج توجيهكم ومساعدتكم لي
المنتدى حآيس بمراجعات وملخصات أتمنى شخص يحدد لي بالضبط كل مادة من وين أذكرها وش مطلوب مني مراجعات وكذآ
الشيء الثاني المناقشات يمديني اناقش وتحس لي درجات ولا خلاص راحت علي..؟
وجزآكم الله الف خير وأعتذر عن الاطالة وإن شاءالله تعالى القادم بيكون أجمل والتعاون يكون بينا قائم خلال الفصول القادمة
وبالتوفيق لجميع الطلاب والطالبات