تـعـلـيـــق عــ الـتـعـلـيـــق 2 ..

اقتباس:

لما تمشي البنت قدام أبوها أو أخوها أو حتى عمها بلباسها المخجل وبكل بساطه يدعونها تمر مرور الكرام وفوق هذا هم من يقومون بتوصيلها للسوق . . فـ من هو أساس المشكلة ومن هو المخطأ على إعتبار أن النساء ناقصات عقل كما يذكر جميع الرجال " كلكم راع "

تأكدي يا أختي الكريمه أنني أتفق مع كل ما ذكرتيـه 100 % ما عدا جزئية " جميع الرجـال " !!

لأنه وبكل بساطه .. ليس كل الرجال ينظرون للنساء بـ هذه النظره , و أعتبر نفسي أحدهم ,

وهناك نسـاء كثيرات عقولهن و حكمتهن و دبرتهن و تصرفهن .. يسوى له ألف رجـّال ,

والحديث الشريف ( ناقصات عقل و دين ) لو رجعنـا له لــ عرفنا إنه لا يقلل من مكانة النساء في شيء ,

ولكن البعض يقوله بـدون معرفة و علم و دراية به , وهو هنا يظلم نفسه و غيره بـجهله .

بخصوص ما ذكرتيـه عن خروج البنت بلبسها المخجل قدام أبوها أو أخوها ..

كلامج صحيح , المفروض ما يسمحون لها تطلع إذا كان لبسها مو مستتر , وإذا كان شكلها متبرج ,

مرات ومن هول ما أشوف من لبس و أشكال و حركات من بعض البنات ..

أستغرب إن هالبنت فيه رجّال ينقال رجّال موجود معاها في البيت !!!

ولكن السؤال مو شلون يسمحون لهـا تطلع .. السؤال هل فيه أحد يراقب و يهتم و يغار ؟!!!

منو اللي يراقب أهله و خواته و بناته و يدري إذا طلعوا من البيت ؟ و وين يروحون ؟ وشلون تصرفاتهن ؟!!

ما أقول ما فيه أحد .. فيه , ولو خليت خربت , ولكن العدد كل ماله في تناقص , والله يرحم الحال ,

الحين السؤّاق موجود , وفي بعض الدول البنت تسوق وتطلع وتروح وترجع ومحد يدري عنها !!

بعض البنات تستغل عدم أو ضعف مراقبة أهلهـا وتمشي و تتصرف على كيفهـا .. بداعي الحريه الشخصية !!

وأعتقد شخصيا إن الشغله كلها راجعـه للبنت و نظرتهـا للأمور ..

وإذا كانت تخاف ربهـا , وتخاف على سمعتها وسمعة أهلها ..

أثق تماما أنها سـتبتعد عن طريق التبرج الماصخ واللبس الفاضح .

وتقبلـي كل الـود و التقديـــــر و الإحتــــــــــرام .