يا العبد هوِّن كل مطـرُود ملحُـوق
لا تِشْتَحِن لك رَب ما هُـو مخليـك
اللي جعل لك رُوح جاعلك مـرزُوق
كما تَكفَّل بـك مـن الخلـق كافيـك
يعطي وباب الرِّزق ما هُو بمغلـوق
واليا طلبته وانـت محتـاج يعطيـك
الرِّزق له حبسه وله وقـت مطلُـوق
وإن مت ظل عنـد قبـرك يناديـك
والموت جايك لو تقع جوف صندُوق
دع عنك ما بك من حـذر لا يعنيـك
لا تشتغل بالمال ترى المال ممحُـوق
مـا مالـك إلاّ مـا تمـده أياديـك
إن كان مالك يا فتى ضيـق السـوق
تراه عند الموت مـا هـو منجيـك